సేవ్ ఇండియన్ ఫ్యామిలీ
From Wikipedia, the free encyclopedia
సేవ్ ఇండియన్ ఫ్యామిలీ (ఆంగ్లం: Save Indian Family లేదా SIF) పురుషుల సంక్షేమానికై కృషి చేసే ఉద్యమం నుండి అవతరించిన ఒక లాభాపేక్షలేని, ప్రభుత్వేతర సంస్థ. భర్త పట్ల క్రౌర్యాన్ని, స్త్రీ సంరక్షక చట్టాల దుర్వినియోగాన్ని వ్యతిరేకిస్తూ, భార్యాబాధితులకు చట్టపరమైన సలహాలను/సూచనలను అందించే ఒకానొక స్వచ్ఛంద సేవా సంస్థ.[1]
రకం | భారతదేశానికి చెందిన పురుషుల హక్కుల సంస్థ |
---|---|
స్థాపన | 2005 |
స్థలం | భారతదేశం లోని అన్ని ప్రదేశాలు |
నిర్వాహకులు | |
రంగం | పురుషుల హక్కులు, గృహహింస |
వెబ్ సైటు |
వాస్తవ జీవితంలో ఈ సంస్థ నుండి 1,00,000 మంది కంటే ఎక్కువ సభ్యులు, అంతర్జాలంలో 10,000 మంది సభ్యులు చట్టపరమైన తీవ్రవాదం (భర్త పట్ల క్రౌర్యం) పై అలుపెరుగని పోరు సలుపుతోన్నారని ఈ సంస్థ గర్వంగా ప్రకటించుకొంటుంది. ఈ సంస్థలోని సభ్యులందరూ స్త్రీ పక్షపాత ధోరణిలో కల వివిధ స్త్రీ/కుటుంబ పరిరక్షక చట్టాల (ఐపిసి 498ఏ, వరకట్న వేధింపులు, వరకట్న నిరోధక చట్టాలు, గృహ హింస నిరోధక చట్టాలు, భరణం, వైవాహిక చట్టాలు, శిశు సంరక్షణ, మానభంగం, కార్యాలయాలలో లైంగిక వేధింపులు) దుర్వినియోగానికి బలైనవారే. ఈ సంస్థలో సభ్యులైన వయోవృద్ధులు, విదేశాలలో స్థిరపడిన భారతీయులు, స్త్రీలు కూడా భారతీయ చట్ట వ్యవస్థలోని లొసుగుల వలన దుర్వినియోగానికి ఎంత అవకాశమున్నదో, ఎంత స్థాయిలో అన్యాయం జరుగుతోందో, వీటి వలన ఎలాంటి దుష్ఫలితాలను ఎదుర్కొనవలసి వస్తోందో అవగాహన పెంపొందిస్తూ, ప్రచారం చేస్తూ ఉంటారు.