టామ్ బ్లండెల్

థామస్ అక్లాండ్ బ్లండెల్ (జననం 1990, సెప్టెంబరు 1) న్యూజీలాండ్ క్రికెట్ ఆటగాడు. 2017 జనవరిలో న్యూజీలాండ్ జాతీయ క్రికెట్ జట్టు తరపున అంతర్జాతీయ క్రికెట్ లోకి అరంగేట్రం చేశాడు. వెల్లింగ్టన్ తరపున ఫస్ట్-క్లాస్ క్రికెట్ కూడా క్రికెట్ ఆడాడు.^[1] 2019 ఏప్రిల్ లో వన్డే మ్యాచ్‌లో క్యాప్ చేయనప్పటికీ, 2019 క్రికెట్ ప్రపంచ కప్ కోసం న్యూజీలాండ్ వన్ డే ఇంటర్నేషనల్ జట్టులో ఎంపికయ్యాడు.^[2] 2019–2021 ఐసీసీ వరల్డ్ టెస్ట్ ఛాంపియన్‌షిప్ గెలిచిన న్యూజీలాండ్ జట్టులో బ్లండెల్ సభ్యుడిగా ఉన్నాడు. 2023లో <i id="mwGQ">విస్డెన్</i> క్రికెటర్స్ ఆఫ్ ది ఇయర్ అవార్డు గ్రహీతలలో ఒకడిగా నిలిచాడు.

టామ్ బ్లండెల్

బ్లండెల్ (2018)
వ్యక్తిగత సమాచారం
పూర్తి పేరు	థామస్ అక్లాండ్ బ్లండెల్
పుట్టిన తేదీ	(1990-09-01) 1990 సెప్టెంబరు 1 (age 34) వెల్లింగ్టన్, న్యూజీలాండ్
బ్యాటింగు	కుడిచేతి వాటం
బౌలింగు	కుడిచేతి ఆఫ్ బ్రేక్
పాత్ర	వికెట్-కీపర్-బ్యాటర్
అంతర్జాతీయ జట్టు సమాచారం
జాతీయ జట్టు	న్యూజీలాండ్ (2017–present)
తొలి టెస్టు (క్యాప్ 273)	2017 డిసెంబరు 1 - వెస్టిండీస్ తో
చివరి టెస్టు	2023 మార్చి 17 - శ్రీలంక తో
తొలి వన్‌డే (క్యాప్ 196)	2020 ఫిబ్రవరి 5 - ఇండియా తో
చివరి వన్‌డే	2023 మే 03 - పాకిస్తాన్ తో
వన్‌డేల్లో చొక్కా సంఖ్య.	66
తొలి T20I (క్యాప్ 73)	2017 జనవరి 8 - బంగ్లాదేశ్ తో
చివరి T20I	2021 సెప్టెంబరు 8 - బంగ్లాదేశ్ తో
T20Iల్లో చొక్కా సంఖ్య.	66
దేశీయ జట్టు సమాచారం
Years	Team
2013–present	వెల్లింగ్టన్
కెరీర్ గణాంకాలు
పోటీ టెస్టులు వన్‌డేలు ఫక్లా లిఎ మ్యాచ్‌లు 26 6 96 64 చేసిన పరుగులు 1,658 138 5,490 1,534 బ్యాటింగు సగటు 43.63 23.00 38.39 27.89 100లు/50లు 4/10 0/1 14/27 1/8 అత్యుత్తమ స్కోరు 138 65 153 151 క్యాచ్‌లు/స్టంపింగులు 68/10 5/1 233/16 58/6
మూలం: Cricinfo, 07 May 2023

అంతర్జాతీయ కెరీర్

2017 జనవరిలో, ల్యూక్ రోంచి గాయపడిన తర్వాత, బంగ్లాదేశ్‌తో జరిగిన మూడో మ్యాచ్‌కి న్యూజీలాండ్ ట్వంటీ 20 ఇంటర్నేషనల్ జట్టులో వికెట్ కీపర్‌గా చేర్చబడ్డాడు.^[3] 2017 జనవరి 8న బంగ్లాదేశ్‌పై న్యూజీలాండ్ తరపున తన టీ20 క్రికెట్ లోకి అరంగేట్రం చేసాడు.^[4]

2017 జనవరిలో, ఆస్ట్రేలియాపై వికెట్ కీపర్‌గా న్యూజీలాండ్ వన్డే ఇంటర్నేషనల్ జట్టులో చేర్చబడ్డాడు, కానీ అతను ఆడలేదు.^[5] 2017 నవంబరులో వెస్టిండీస్‌తో సిరీస్ కోసం న్యూజీలాండ్ టెస్ట్ జట్టులో చేర్చబడ్డాడు.^[6] 2017, డిసెంబరు 1న వెస్టిండీస్‌పై న్యూజీలాండ్ తరపున తన అరంగేట్రం చేశాడు.^[7] గాయపడిన బిజె వాట్లింగ్ స్థానంలో వికెట్-కీపర్‌గా నియమితుడయ్యాడు,^[8] 107 పరుగులతో నాటౌట్ గా నిలిచాడు, ఇది న్యూజీలాండ్ వికెట్ కీపర్ అరంగేట్రం చేసిన అత్యధిక టెస్ట్ స్కోరు.^[9] 2007లో మాట్ ప్రియర్ తర్వాత టెస్టు అరంగేట్రంలోనే సెంచరీ సాధించిన తొలి వికెట్ కీపర్‌గా కూడా నిలిచాడు.^[10]

2019 ఏప్రిల్ లో, 2019 క్రికెట్ ప్రపంచ కప్ కోసం న్యూజీలాండ్ జట్టులో ఎంపికయ్యాడు.^{[11] [12]} అంతర్జాతీయ క్రికెట్ కౌన్సిల్ టోర్నమెంట్ కోసం ఐదు ఆశ్చర్యకరమైన ఎంపికలలో ఇతనిని ఒకరిగా పేర్కొంది.^[13] అయితే టోర్నీలో ఇతను ఒక్క మ్యాచ్ కూడా ఆడలేదు. ఆ తర్వాతి నెలలో, న్యూజీలాండ్ క్రికెట్ ద్వారా 2019–20 సీజన్ కోసం కొత్త కాంట్రాక్ట్‌ను పొందిన ఇరవై మంది ఆటగాళ్ళలో ఒకడిగా ఉన్నాడు.^[14]

2020 జనవరిలో, భారత్‌తో జరిగే సిరీస్ కోసం న్యూజీలాండ్ వన్ డే ఇంటర్నేషనల్ జట్టులో బ్లండెల్ ఎంపికయ్యాడు.^[15] 2020, ఫిబ్రవరి 5న న్యూజీలాండ్ తరపున భారతదేశానికి వ్యతిరేకంగా వన్డే అరంగేట్రం చేసాడు.^[16]