మాధవపెద్ది సురేష్

మాధవపెద్ది సురేష్ ప్రముఖ తెలుగు సినీ సంగీత దర్శకులు. టి. చలపతిరావు సంగీత దర్శకత్వంలో పరివర్తన సినిమాలో SP బాలు పాటకి ఎకార్డియన్ వాయించి సినీ రంగ ప్రవేశం చేశారు.^[1]

మాధవపెద్ది సురేష్
జననం	మాధవపెద్ది సురేష్ చంద్ర సెప్టెంబరు 8, 1951 తెనాలి (పెరిగింది విజయవాడ)
ఇతర పేర్లు	భైరవద్వీపం సురేష్
వృత్తి	సినీ సంగీత దర్శకుడు
జీవిత భాగస్వామి	నిర్మల
పిల్లలు	అబ్బాయి (నాగసాయి శరత్‌చంద్ర), అమ్మాయి (నాగలక్ష్మి)
తల్లిదండ్రులు	నాగేశ్వరరావు (తండ్రి) వసుంధరాదేవి (తల్లి)

జీవితం

సురేష్ 1951 సెప్టెంబరు 8 న తెనాలిలో జన్మించాడు. ఈయన తల్లిదండ్రులు వసుంధరా దేవి, నాగేశ్వరరావు. తల్లి సంగీతంలో, భరతనాట్యంలో కళాకారిణి. తండ్రి నటుడు. చిన్నప్పటి నుంచే సంగీతం మీద ఆసక్తి పెంచుకున్న సురేష్ 1967 లో విజయవాడ శ్రీరామనవమి ఉత్సవాల్లో హార్మోనియం వాయించాడు. అలాంటి కార్యక్రమాల్లో పాల్గొనేవాడు. సోదరుడు రమేష్ నేపథ్య గాయకుడిగా కెరీర్ ప్రారంభించాడు.

టి. చలపతిరావు సంగీత దర్శకత్వం వహించిన పరివర్తన సినిమాలో సురేష్ మొదటిసారిగా అకార్డియన్ అనే పరికరాన్ని వాయించాడు. తర్వాత కీబోర్డు ప్లేయరుగా పెండ్యాల, సాలూరి రాజేశ్వరరావు, ఎం. ఎస్. విశ్వనాథన్, కె. వి. మహదేవన్, రమేష్ నాయుడు, జె. వి. రాఘవులు, లక్ష్మీకాంత్ ప్యారేలాల్, బప్పీలహరి, హంసలేఖ మొదలైన సంగీతదర్శకుల దగ్గర సుమారు 1000 చిత్రాలకు పనిచేశాడు. 1979 నుంచి 1985 దాకా ఎస్. పి. బాలసుబ్రహ్మణ్యం బృందంతో పాటు కీబోర్డు ప్లేయరుగా ప్రదర్శనలిచ్చాడు.

జంధ్యాల సినిమా హై హై నాయకా సినిమాతో సంగీత దర్శకుడిగా మారాడు. బృందావనం సినిమా ఆయనకు మంచి పేరు తెచ్చిపెట్టింది. ఈ సినిమా శతదినోత్సవాన్ని పూర్తి చేసుకుంది. భైరవద్వీపం చిత్రానికి సురేష్ అందించిన సంగీతం అతని కెరీర్ లో అత్యున్నతమైన స్థాయి.

సినిమాలు

ఇతడు దర్శకత్వం వహించిన సినిమాల జాబితా:

• భార్గవ్
• భైరవ ద్వీపం
• అంజలి ఐ లవ్యూ (2004)
• నీతో వస్తా (2003)

సీరియళ్ళు

• అన్వేషిత

ఇవి కూడా చూడండి

బాలసుబ్రహ్మణ్యం ఆర్ట్స్ అండ్ మ్యూజిక్ అకాడమి

బయటి లింకులు

• నా సంగీత యాత్ర - మాధవపెద్ది సురేష్
• మాధవపెద్ది సురేష్ సంగీతం అందించిన పాటలు - ఆంధ్రా ఫోక్స్ పాటల పందిరి Archived 2016-03-04 at the Wayback Machine
• మాధవపెద్ది సురేష్‌ వ్యక్తిగత విశేషాలు^{[permanent dead link]}