రీజా హెండ్రిక్స్

రీజా రాఫెల్ హెండ్రిక్స్ (జననం 1989 ఆగస్టు 14) దక్షిణాఫ్రికా లోని గౌటెంగ్ దేశీయ జట్టుకు, దక్షిణాఫ్రికా జాతీయ క్రికెట్ జట్టుకూ ఆడుతున్న దక్షిణాఫ్రికా క్రికెటరు. అతను కుడిచేతి వాటం ఓపెనింగ్ బ్యాట్స్‌మెన్. ^[1] 2014 నవంబరులో దక్షిణాఫ్రికా తరపున తన అంతర్జాతీయ రంగప్రవేశం చేసి, తొలి ఆట లోనే శతకం చేసిన మూడవ దక్షిణాఫ్రికా ఆటగాడిగా నిలిచాడు. ^[2]

రీజా హెండ్రిక్స్

2014 లో హెండ్రిక్స్
వ్యక్తిగత సమాచారం
పూర్తి పేరు	రీజా రాఫేల్ హెండ్రిక్స్
పుట్టిన తేదీ	(1989-08-14) 1989 ఆగస్టు 14 (age 36) కింబర్లీ, నార్దర్న్ కేప్ ప్రావిన్స్, దక్షిణాఫ్రికా
ఎత్తు	175 cమీ. (5 అ. 9 అం.)
బ్యాటింగు	కుడిచేతి వాటం
బౌలింగు	కుడిచేతి ఆఫ్ బ్రేక్
పాత్ర	Opening బ్యాటరు
అంతర్జాతీయ జట్టు సమాచారం
జాతీయ జట్టు	దక్షిణాఫ్రికా (2014–present)
తొలి వన్‌డే (క్యాప్ 127)	2018 ఆగస్టు 5 - శ్రీలంక తో
చివరి వన్‌డే	2023 ఫిబ్రవరి 1 - ఇంగ్లాండ్ తో
వన్‌డేల్లో చొక్కా సంఖ్య.	17
తొలి T20I (క్యాప్ 61)	2014 నవంబరు 5 - ఆస్ట్రేలియా తో
చివరి T20I	2023 సెప్టెంబరు 3 - ఆస్ట్రేలియా తో
T20Iల్లో చొక్కా సంఖ్య.	17
దేశీయ జట్టు సమాచారం
Years	Team
2006/07–2015/16	Griqualand West
2006/07–2015/16	నైట్స్ (స్క్వాడ్ నం. 17)
2016/17–2020/21	ఇంపీరియల్ లయన్స్
2018–2019	జోజి స్టార్స్
2021/22–present	Gauteng
2023	జోబర్గ్ సూపర్ కింగ్స్
కెరీర్ గణాంకాలు
పోటీ వన్‌డేలు టి20 ఫక్లా లిఎ మ్యాచ్‌లు 27 50 144 208 చేసిన పరుగులు 694 1,461 8,130 6,902 బ్యాటింగు సగటు 27.76 30.43 33.73 36.90 100లు/50లు 1/5 0/12 16/39 17/39 అత్యుత్తమ స్కోరు 102 74 168* 181 వేసిన బంతులు 42 6 965 720 వికెట్లు 1 0 10 22 బౌలింగు సగటు 47.00 – 68.80 29.13 ఒక ఇన్నింగ్సులో 5 వికెట్లు 0 0 0 0 ఒక మ్యాచ్‌లో 10 వికెట్లు 0 0 0 0 అత్యుత్తమ బౌలింగు 1/13 – 2/25 3/18 క్యాచ్‌లు/స్టంపింగులు 16/– 22/– 142/– 97/–
మూలం: ESPNcricinfo, 4 May 2023

దేశీయ వృత్తి

2017 నవంబరులో హెండ్రిక్స్, 2017–18 రామ్ స్లామ్ T20 ఛాలెంజ్‌లో డాల్ఫిన్స్‌తో జరిగిన మ్యాచ్‌లో లయన్స్ తరఫున 102 నాటౌట్‌ చేసి, ట్వంటీ20 మ్యాచ్‌లో తన మొదటి సెంచరీని సాధించాడు. ^[3] అతను ఎనిమిది మ్యాచ్‌లలో 361 పరుగులతో ముగించి, టోర్నమెంటులో అత్యధిక పరుగుల స్కోరర్‌గా నిలిచాడు. ^[4] 2018 జనవరిలో అతను 2017–18 మొమెంటమ్ వన్ డే కప్ చివరి రౌండ్‌లో లిస్టు A సెంచరీ సాధించి, అదే సీజన్‌లో దక్షిణాఫ్రికాలో జరిగిన మూడు ఫ్రాంచైజీ పోటీల్లో సెంచరీ చేసిన మొదటి ఆటగాడిగా నిలిచాడు. ^[5]

2018 జూన్లో, 2018–19 సీజన్‌లో హైవెల్డ్ లయన్స్ జట్టులో హెండ్రిక్స్ జట్టులో ఎంపికయ్యాడు. ^[6] 2018 అక్టోబరులో, అతను ఎంజాన్సీ సూపర్ లీగ్ T20 టోర్నమెంటు మొదటి ఎడిషన్ కోసం జోజి స్టార్స్ జట్టులో ఎంపికయ్యాడు. ^{[7] [8]} MSL 2018లో హెండ్రిక్స్ 410 పరుగులు చేశాడు, తదనంతరం జాతీయ జట్టులో స్థానం సంపాదించాడు. 2019 సెప్టెంబరులో 2019 ఎంజాన్సీ సూపర్ లీగ్ టోర్నమెంటు కోసం జోజి స్టార్స్ జట్టు కోసం జట్టులో ఎంపికయ్యాడు. ^[9] 2021 ఏప్రిల్లో, అతను దక్షిణాఫ్రికాలో 2021–22 క్రికెట్ సీజన్‌కు ముందు గౌటెంగ్ జట్టులో ఎంపికయ్యాడు. ^[10]

2022 ఏప్రిల్లో, 2021–22 CSA వన్-డే కప్ యొక్క డివిజన్ వన్ ఫైనల్‌లో, హెండ్రిక్స్ లయన్స్ తరపున 157 పరుగులు చేశాడు. దాంతో వారు టైటాన్స్‌ను మూడు వికెట్ల తేడాతో ఓడించి టైటిల్ గెలుచుకున్నారు. ^[11]

2022 సెప్టెంబరులో హెండ్రిక్స్‌ను జోహన్నెస్‌బర్గ్ సూపర్ కింగ్స్ SA20 పోటీ ప్రారంభ సీజన్ కోసం కొనుగోలు చేసింది. ఇది 2023లో జరగాల్సి ఉంది ^[12]

అంతర్జాతీయ కెరీర్

హెండ్రిక్స్ 2014 నవంబరు 5 న ఆస్ట్రేలియాపై దక్షిణాఫ్రికా తరపున ట్వంటీ20 అంతర్జాతీయ రంగప్రవేశం చేసాడు.^[13] అతను 2015 ఆఫ్రికా T20 కప్ కోసం గ్రిక్వాలాండ్ వెస్టు క్రికెట్ జట్టులో చేరాడు. ^[14] 2017 ఆగస్టులో T20 గ్లోబల్ లీగ్ మొదటి సీజన్ కోసం ప్రిటోరియా మావెరిక్స్ జట్టులో ఎంపికయ్యాడు. ^[15] అయితే, 2017 అక్టోబరులో, క్రికెట్ దక్షిణాఫ్రికా ఈ టోర్నమెంటును నవంబరు 2018కి వాయిదా వేసింది, ఆ తర్వాత వెంటనే రద్దు చేసింది. ^[16]

2018 జూన్లో, హెండ్రిక్స్ శ్రీలంకతో జరిగిన వారి సిరీస్ కోసం దక్షిణాఫ్రికా వన్డే ఇంటర్నేషనల్ (వన్‌డే) జట్టులో ఎంపికయ్యాడు. ^[17] అతను 2018 ఆగస్టు 5న శ్రీలంకపై దక్షిణాఫ్రికా తరపున వన్‌డే రంగప్రవేశం చేసాడు.^[18] తొలి వన్‌డే లోనే శతకం చేసిన మూడవ దక్షిణాఫ్రికా బ్యాటరు గాను, ప్రపంచంలో పద్నాలుగో బ్యాటరు గానూ నిలిచాడు.^[19] 88 బంతుల్లో చేసిన ఆ శతకం తొలి వన్డేలో ఓ బ్యాటరు చేసిన అత్యంత వేగవంతమైన శతకం. ఆ మ్యాచ్‌లో అతను మ్యాన్ ఆఫ్ ది మ్యాచ్ అవార్డును గెలుచుకున్నాడు. ^{[20] [21]}

2021 సెప్టెంబరులో, 2021 ICC పురుషుల T20 ప్రపంచ కప్ కోసం దక్షిణాఫ్రికా జట్టులో హెండ్రిక్స్ ఎంపికయ్యాడు. ^[22]