![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a5/Flower_poster_2.jpg/640px-Flower_poster_2.jpg&w=640&q=50)
పుష్పం
From Wikipedia, the free encyclopedia
పుష్పం పుష్పించే మొక్కలలో లభ్యమయ్యే పునరుత్పత్తి భాగం. పుష్పాలు వికసించడాన్నే పూతపట్టడం అంటారు. పురుష ప్రత్యుత్పత్తి భాగాలైన పరాగరేణువులు ఉత్పత్తి చేసే పుప్పొడి, స్త్రీ ప్రత్యుత్పత్తి భాగమైన అండంతో కలవటానికి జరుగవలసిన జీవకార్యక్రమానికి పుష్పం మధ్యవర్తిత్వం చేస్తుంది. విత్తనాలను ఉత్పత్తి చేస్తుంది. ఈ ప్రక్రియ పరాగ సంపర్కంతో మొదలై, ఫలదీకరణం జరుగుతుంది. ఇది విత్తనాల ఉత్పత్తికి, వాటి వ్యాప్తికి దారి తీస్తుంది. ఒక మొక్క మీద పూవులన్నీ సమూహంగా కలసి ఉండడాన్ని పుష్పీకరణం అని అంటారు.
![Thumb image](http://upload.wikimedia.org/wikipedia/commons/thumb/a/a5/Flower_poster_2.jpg/640px-Flower_poster_2.jpg)
పుష్పాలు పుష్పించే మొక్కలకు పునరుత్పత్తి భాగాలుగా సేవలందించడమే కాకుండా, మానవులచే ఆరాధించబడుతున్నాయి. ఎందు కంటే పరిమళాలను వెదజల్లి, ప్రకృతికి శోభనిస్తూ పరిసరాలను ప్రశాంతంగా ఉంచుతాయి.. అలాగే కొన్ని పువ్వులు ఆహారంగా కూడా ఉపయోగపడతాయి.