![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0a/Mao_Zedong_in_1959_%2528cropped%2529.jpg/640px-Mao_Zedong_in_1959_%2528cropped%2529.jpg&w=640&q=50)
మావో జెడాంగ్
From Wikipedia, the free encyclopedia
మావో జెడాంగ్ (Mao Zedong) (జననం: డిసెంబరు 26, 1893-మరణం: 1976 సెప్టెంబరు 9) ను మావో సే టుంగ్ (Mao Tse-tung) అని కూడా పలుకుతుంటారు. 1949లో చైనాలో కమ్యూనిష్టు ప్రభుత్వం ఏర్పడి పీపుల్స్ రిపబ్లిక్ ఆఫ్ చైనా (PRC) స్థాపనకు మూలమైన సుదీర్ఘ సాయుధ పోరాటానికి నాయకత్వం వహించాడు మావో. అప్పటి నుండి 1976లో మరణించే వరకు ఈయన చైనాను పరిపాలించాడు. ఆధునిక ప్రపంచ చరిత్రలో అత్యంత ప్రభావ వంతమైన వ్యక్తులలో మావో కూడా ఒకరు. మావో చైనా యొక్క సైనిక, పారిశ్రామిక, వ్యావసాయిక, మేధోపరమైన, సాంస్కృతిక పరమైన అన్ని ప్రణాళికలను నియంత్రించాడు.
毛泽东 మావో జెడాంగ్ | |||
మావో జెడాంగ్ | |||
చైనా కమ్యూనిస్టు పార్టీ అధ్యక్షుడు | |||
---|---|---|---|
పదవీ కాలం 1945 – 1976 | |||
ముందు | చెన్ దుక్షూ | ||
తరువాత | హువా గ్వోఫెంగ్ | ||
మొదటి అధ్యక్షుడు | |||
పదవీ కాలం 1954 – 1959 | |||
ముందు | లేరు | ||
తరువాత | లియూ షావోకీ | ||
వ్యక్తిగత వివరాలు |
|||
జననం | (1893-12-26)1893 డిసెంబరు 26![]() | ||
మరణం | 1976 సెప్టెంబరు 9(1976-09-09) (వయసు 82)![]() | ||
జాతీయత | చైనీయుడు | ||
రాజకీయ పార్టీ | చైనా కమ్యూనిస్టు పార్టీ | ||
జీవిత భాగస్వామి | యాంగ్ కాయ్హూయ్ (1920–1930) హెజిజేన్ (1930–1937) జియాంగ్ క్వింగ్ (1939–1976) |
![Thumb image](http://upload.wikimedia.org/wikipedia/commons/thumb/0/0a/Mao_Zedong_in_1959_%28cropped%29.jpg/640px-Mao_Zedong_in_1959_%28cropped%29.jpg)
కమ్యూనిష్టులు చైనాలో అధికారంలోకి వచ్చిన తరువాత మావో ప్రపంచమంతటా సుపరిచితుడు అయ్యాడు. చైనాలో పిన్నలు, పెద్దలు ఆయన నినాదాలను, ఆయన రచనలను అధ్యయనం చేసారు. గెరిల్లా యుద్ధం, సామ్యవాద విప్లవాలలో రైతాంగం యొక్క పాత్ర మొదలైన అంశాల గురించి ఆయన రచనలు చైనా వెలుపల చాలా ప్రభావం చూపాయి. మావో ఒక కవి కూడా.