Пиряхи Паридор

Пиряхи Паридор (пешина Грумм-Гржимайло, Музкӯлак) — пирях дар Тоҷикистон, дар қисми шарқии қаторкӯҳи Язғулом (Помири Ғарбӣ). Аз ҷиҳати масоҳаташ дар Тоҷикистон дуввумин пирях (баъди Федченко) мебошад. Дар новаи қисми шарқии қ-кӯҳи Язгулом воқеъ аст.

Пиряхи Паридор ?
Расположение

Дарозиаш 37 км, масоҳаташ тақр. 160 км², бараш аз 700 то 1700 м. Грумм-Гржимайло пиряхи мураккаби сершоха аст; аз чап ба он пиряхҳои Музкӯлаки Боло (масоҳаташ 17,8 км²), Музкӯлаки Хурд (8,3 км²), Музкӯлаки Поён (2,2 км²) ҳамроҳ мешаванд. Аз он дарёиТанимас ва дигар шохобҳои дарёи Бартанг (ҳавзаи Бартанг) сарчашма мегиранд.

Соли 1887 аз тарафи бародарон Григорий ва Владимир Грумм-Гржимайло кашф гардида, ба шарафи онҳо номузорӣ шудааст. Дертар дар Грумм-Гржимайло Н. И. Косиненко (1909), Н. Л. Корженевский (1926) ва дигарон таҳқиқот анҷом додаанд.