Исломгароӣ

Исломгароӣ, исломи сиёсӣ (ар. الإسلام السياسي‎), исломи́зм (англ. Islamism) — идеология ва куниши динӣ-сиёсӣ, ки ҳадафи он эҷоди шароитест, то ҳар гуна тазод дар ҷомеа ва кишварҳои дорои ҷамъияти мусулмон, ва ҳамчунин равобити байнулмилалӣ бо мушорикати онҳо, бар асоси меъёрҳои шариат ҳаллу фасл гардад.^[1]

Исломгароён метавонанд тафсирҳои гуногунеро бар асоси сураҳо ва оятҳои қуръонӣ дошта бошанд. Дидгоҳҳои исломгароён бар пиёдасозии шариат (қонуни исломӣ), иттиҳоди сиёсии панисломизм ва ҳазфи нуфузи ғайримусулмонон, бавижа нуфузи низомӣ, иқтисодӣ, сиёсӣ, иҷтимоӣ ё фарҳангии Ғарб дар ҷаҳони ислом, ки онҳо муътақид ҳастанд бо ислом муғойират дорад, таъкид мекунанд.^[2]