Барселона (бошгоҳи футбол)

«Барсело́на» (исп. Fútbol Club Barcelona) — яке аз машҳуртарин бошгоҳи футболи испанӣ аз вилояти худмухтори Каталония. Ин бошгоҳ ба номи «Ба́рса» (исп. Barça) низ машҳур аст.

Ин вожа дигар маъноҳо низ дорад, Барселона (мазмунҳо)-ро бубинед.

Барселона
Номи пурра	Futbol Club Barcelona
Лақаб	Barça (Барса)[1] Blaugranas (Нилунориҳо)[2] Cataloness (Каталониҳо)[3] Cule (Мақъад)[4][5]
Таъсис	29.11.1899
Майдон	«Камп Ноу»
Ғунҷоиш	99 354
Президент	Жоан Лапорта
Мураббӣ	Ҳанс-Дитер Флик
Капитан	Марк-Андре тер Стеген
Рейтинг	ҷойи 9-ум дар раддабандии УЕФА[6]
Сарпараст	Spotify
Сайт	fcbarcelona.com
Мусобиқа	Лигбартари футболи Испониё (Ла Лига)
2024/25	Қаҳрамон
Либоси асосӣ Либоси меҳмонӣ Либоси дуввум
2024/2025

«Барселона» яке аз пурарзиштарин бошгоҳҳои варзишии ҷаҳон аст. Тибқи маълумоти «Deloitte», дар мавсими 2022/23, бошгоҳ бо даромади солонаи 638,2 миллион евро дар ҷои ҳафтум аст^[7].

Таърих

Соли 1899 аз ҷониби як гурӯҳ футболбозони аврупоӣ бо сарварии Жоан Гампер таъсис дода шудааст. Клуб беш аз 140 000 нафарро дар бар мегирад. Варзишгоҳи асосии клуб — «Ноу Камп» пургунҷоиштарин варзишгоҳ дар Аврупо (2012) мебошад. Дар мавсими 2006/07 «Барселона» дар байни бойтарин клубҳои ҷаҳон бо даромади 291,1 млн евро ҷойи севумро ишғол кард. «Барселона» чор маротиба (1979, 1982, 1989, 1997) Ҷоми ҷомдорони УЕФА, чор маротиба (1992, 2006, 2009, 2011) Ҷоми чемпионҳои УЕФА (1992, 1997, 2009, 2011 2012) ва чаҳор маротиба (1992, 2006, 2009, 2011) Суперҷоми УЕФА-ро ба даст овардааст. Солҳои 2009 ва 2011 дар байни клубҳои футболи ҷаҳон чемпиони ҷаҳон шудааст. Ҳуҷумкунандаи «Барселона» Лионел Месси ҳашт маротиба барандаи «Тӯби тилоӣ» ва аз рӯйи ин нишондод рекордсмени ҷаҳон шудааст.