Парем
From Wikipedia, the free encyclopedia
Remove ads
«Парем» — гурӯҳи фолклор-роки тоҷик аст[1], ки соли 1993 дар заминаи ансамбли вокалӣ- инструменталии «Бойчечак», дар Хонаи Пионерони ноҳияи Фрунзеи шаҳри Душанбе ташкил шудааст.
![Thumb](#/media/Акс:"Parem"_group.jpg)
Remove ads
Таърих
Гурӯҳи «Парем» моҳи марти соли 1993 аз ҷониби Владимир Юматов, Олим Ширинов, Фейруз Ҳакимов ва Алишер Зариков таъсис дода шудааст.
Сафи аввали гурӯҳ иборат буд аз:
- Владимир Юматов — овозхон, барабаннавоз
- Олим Ширинов — овозхон, бас-гитаранавоз
- Фейруз Хакимов — овозхон, ритм-гитаранавоз
- Алишер Зариков — соло-гитаранавоз
- Нечипуренко Владислав — асбобҳои клавишӣ
- Наргис Муминова — овозхон
Гурӯҳи «Парем» аввалин консертҳои худро дар авҷи ҷанги шаҳрвандӣ дар Тоҷикистон баргузор кард. Инҳо консертҳои хонагӣ ва намоишҳо дар мактабҳо ва клубҳои хурди Душанбе буданд.
Моҳи майи соли 1993 Олим Ширинов бинобар муноқиша бо Владимир Юматов гурӯҳро тарк кард ва гурӯҳи битии «Камчатка» -ро роҳбарӣ кард, ҷои ӯро дар басс-гитара Мақсуд Таиров, дӯсти деринаи гурӯҳ, ки дар ҳайати «Бойчечак» бози мекард ишғол кард.
Моҳи июни соли 1993 Фейруз Ҳакимов гурӯҳи «Парем» -ро тарк кард ва бо пешниҳоди Олим Ширинов ба гурӯҳи «Камчатка» пайваст шуд, ҷои ӯро дар гурӯҳ Алишер Сайфуллоев ишғол кард. Аз баҳори соли 1993 то 1995, гурӯҳи «Парем» давра ба давра дар «Рок панорамаҳо» бо сурудхои бо забони руси, ки онҳоро Владимир Юматов месароид, ҳунарнамоӣ мекунад.
Соли 1994 Наргис Муминова гурӯҳро тарк кард. Ҳоло вай дар Олмон зиндагӣ мекунад.
Соли 1995 — соли ҳалкунанда барои ояндаи гурӯҳ гардид, аввалин сурудҳо бо забони тоҷикӣ дар репертуари «Парем» пайдо шудан гирифтанд, ки Алишер Сайфуллоев ба эҷод ва иҷро кардани онҳо шурӯъ кард.
Дар аввали соли 1995, Владимир Юматов гурӯҳро тарк кард ва Олим Ширинов ҳамчун роҳбари гурӯҳ ва продюсери мусиқавӣ ҷой гирифт. Гурӯҳи «Парем» услуби худро ба таври куллӣ тағйир дода, истифодаи асбобҳои клавишӣ тарк карда, рок-н-ролл ва роки фолклориро ҳамчун услуби асосӣ интихоб кардааст[2].
Дар баҳори соли 1995, Собир Аминов ба ҳайси ритм-гитаранавоз ба гуруҳ ҳамроҳ шуд.
Моҳи майи соли 1996 гурӯҳи «Парем» албоми аввалини худ — «Why Love»-ро сабт кард.
Дар сабти албом инҳо иштирок карданд: Гурӯҳи «Парем»:
- Алишер Сайфуллоев — овозхон, ритм-гитаранавоз
- Олим Ширинов — овозхон, барабаннавоз, продюсери мусиқавӣ
- Алишер Зариков — соло гитаранавоз
- Мақсуд Таиров — бас-гитаранавоз
- Аминов Собир — ритм-гитаранавоз
Ҳайати студияи сабти мусиқи ва овоз:
- Зураб Кокоев[3] — коргардони овоз
- Владимир Юматов — барномасозии қисми барабанҳо
Илова бар сурудҳои муаллифии гурӯҳи «Парем», албом боз 2 суруди гуруҳи «The Beatles» — Things We Said Today ва The Long and Winding Road-ро дарбар мегирад. Сурудҳои «The Beatles» аз замони таъсисёбии гуруҳи «Парем» қисми ҷудонашавандаи тамоми баромадҳои гурӯҳ мебошанд, ки аз ин лиҳоз мусиқинавозони гуруҳро аксар вақт «Битлзи Душанбеги» меноманд[4][5].
Муаррифии албоми аввали гурӯҳ 15 июни соли 1996 дар саҳнаи Театри академии Руси ба номи В. Маяковский баргузор гардид. Суруди сарлавҳаи албом — Ай чаро ишқ, фавран ба хитҳои рақами 1 дар Тоҷикистон табдил меёбад.
Соли 1996 Мақсуд Таиров гурӯҳро тарк кард ва Собир Аминов бас-гитаранавози гурӯҳ шуд.
Дар соли 1997, гурӯҳи «Парем» суруди «Медони ё не»-ро сабт мекунад. Суруд фавран хеле машҳур мешавад ва то имрӯз аломати фарқкунандаи гурӯҳи «Парем» боқӣ мондааст.
Моҳи декабри соли 1998, бинобар машрубот, Алишер Сайфуллоев гурӯҳро тарк кард. Ҷои ӯро дар гурӯҳ ҳамчун ритм-гитаранавоз Ҳакимҷон Ҳазратқулов мегирад ва Собир Аминов овозхони асосии гурӯҳи Парем мешавад.
Дар охири соли 1999 албоми дуюми гурӯҳ бо номи «Дишаб» мебарояд. Ҳамаи сурудҳои ин албомро Собир Аминов эҷод кардааст.
Албоми «Дишаб» дар cтудияи давлатии «Хонаи радио»-и Ҷумҳурии Тоҷикистон дар таркиби зерин сабт шудааст:
- Собир Аминов — овозхон, бас-гитаранавоз
- Олим Ширинов — барабаннавоз, овозхон, продюсери мусиқавӣ
- Алишер Зариков — соло-гитаранавоз
- Хакимҷон Хазратқулов — ритм-гитаранавоз
Навозандаи ҷалбшуда:
Муаррифии албоми «Дишаб» рӯзҳои 4 ва 5 декабри соли 1999 дар саҳнаи маҷмааи консертӣ ба номи Борбад барузор гардид[8].
Соли 2000 ба гурӯҳ Далер Султонов дохил шуд, аввал ҳамчун зарбнавоз ва баъдан ҳамчун гитаранавоз ва овозхон.
Моҳи сентябри соли 2001 гурӯҳи «Парем» ҳамроҳи гурӯҳи «Фарзин» ба Олмон сафар мекунанд ва дар он ҷо гурӯҳҳо дар шаҳри Гиссен консерти муштарак медиҳанд[9].
Соли 2004 ба гурӯҳ зарбнавоз Фаррух Худобердиев шомил мешавад.
24 июли соли 2011 гурӯҳи «Парем» бори аввал дар Маскав, дар саҳнаи клуби «Б2»-и пойтахт баромад кард[10][11].
Рузи навбати пас аз консерт, ровиёни шоу-барномаи саҳарии радиои давлатии Маяк — «Стиллавин ва дӯстони ӯ» — Сергей Стиллавин ва Рустам Воҳидов, баромади гурӯҳи «Парем» -ро танқид карда, аз муҳокимаи репертуари гурӯҳ ба таҳқири мустақим дар заминаи миллатпарастӣ гузаштанд, ки ҳамовозии бузургеро дар матбуоти русия, тоҷик ва ҳам дар хориҷа ба амал овард[12][13][14][15][16][17].
![Thumb](#/media/Акс:Группа_"Парем".jpg)
24 августи 2011 барандагони радиои "Маяк" Сергей Стиллавин ва Рустам Воҳидов аз гурӯҳи «Парем» узр хостанд[18][19].
Дар соли 2012 Фаррух Худойбердиев гурӯҳро тарк кард ва ҷои ӯро дар гурӯҳ зарбнавоз Шавкат Муллоҷонов, ки асосан дойра менавохт, гирифт.
Моҳи сентябри соли 2012 гурӯҳи Парем дар Маскав ва вилояти Маскав як қатор консертҳо баргузор намуд[20].
Рӯзи душанбе, 29 апрели соли 2013, дар беморхонаи шаҳрии клиникии Душанбе, пас аз бемории кӯтоҳ, гитаранавози гурӯҳи «Парем» Ҳакимҷон Ҳазратқулов аз олам даргузашт[21]. Моҳи июли соли 2013 табиби Ҳакимҷон Ҳазратқулов ба ҳабс гирифта шуд[22].
Тобистони соли 2013 ҷои Ҳакимро дар гурӯҳ Султон Имомов ишғол кард, ки қаблан дар гурӯҳи Шабдез бозӣ мекард.
Соли 2014 Алишер Сайфуллоев бо сабаби ба манзили доимӣ дар Прага (Чехия кӯчидани оилааш ниҳоят гурӯҳи «Парем»-ро тарк кард.
Соли 2018 Фейрӯз Ҳакимов ба гурӯҳ баргашт, аммо ба вижагиҳои кори дастаҷамъона дар дохили «Парем» тоб наоварда, соли 2019 гурӯҳро тарк кард. Аммо ба ӯ муяссар шуд, ки дар сабти таронаи "Майзор" ширкат варзида, қисми найро дар гитарае, ки ба синтезатори гитара пайваст шудааст, менавозад.
23 ноябри соли 2019, дар бинои «Суруш холл», консерти солгарди гурӯҳи «Парем» бахшида ба 25 солагии таъсисаш - «25+1» баргузор гардид.»[23]. 1 майи соли 2021 нахустнамоиши онлайни видеоверсияи консерт дар канали расмии гурӯҳи «Парем» дар YouTube баргузор шуд[24].
6 июни соли 2022 Алишер Зариков ба хулосае омад, ки “Парем»-ро тарк кунад, гуруҳ дар ин бора дар саҳифаҳои Facebook[25] ва Instagram-и[26] худ ба мухлисонаш хабар додааст.
Моҳи июни соли 2022 Фейрӯз Ҳакимов соло-гитарнавози гурӯҳи «Парем» мегардад.
Пас аз ҳунарнамоӣ дар консерт бахшида ба 30-солагии гурӯҳи «Парем» дар толори Суруш, бемории қанди Фейрӯз Ҳакимов авҷ гирифт, пизишкон ба ӯ ҳар гуна машқҳои ҷисмонӣ ва таконҳои эҳсосиро манъ карданд. Файзрӯз натавонистааст фаъол бошад ва дар охири моҳи июни соли 2023 гурӯҳро тарк кард[27]. Дар нимаи моҳи июли соли 2023 Олим Ширинов Алишер Зариковро даъват кард, ки ба гурӯҳ баргардад[28][29] ва пас аз 3 ҳафта намоиши нахустини «Парем» бо Алишер Зариков ҳамчун гитаристи соло баргузор шуд, чуноне ки қаблан буд.
Рӯзи 29 ноябри соли 2024 гурӯҳи «Парем» дар саҳифаҳои шабакаҳои иҷтимоии худ ба мухлисон хабар доданд, ки Собир Аминов тасмим гирифтааст, ки ба касби яккадастӣ машғул шавад ва гурӯҳи «Парем»-ро тарк кунад.
 |
Аз моҳи декабри соли 1999 гурӯҳи «Парем» ҳамаи сурудҳои худро дар студияи «JC Records Studio»[30] сабт мекунад, ки муҳандиси садо ва соҳиби он Олим Ширинов мебошад. |
Remove ads
Аъзои гурӯҳ
Ҳайати кунунии гурӯҳ
- Олим Ширинов — барабаннавоз, овозхон, продюсери мусиқавӣ
- Алишер Зариков — соло-гитаранавоз
- Шавкат Муллоҷонов — дойра
Аъзои пешинаи гурӯҳ
- Наргис Муминова — овозхон (1993—1994)
- Владислав Нечипуренко — асбобҳои клавишӣ (1993)
- Мақсуд Таиров — бас-гитара навоз
- Нодир Шарипов — тавлак (1996—1998)
- Евгений Тенгизбаев — кларнет (1997—1998)
- Алишер Сайфуллоев — овозхон, гитаранавоз (1994—1998), (2007—2014)
- Фаррух Худойбердыев — асбобҳои зарби (2005—2012)
- Хакимҷон Хазратқулов — ритм-гитаранавоз, гитараи акустикӣ (1999—2013)
- Султон Имомов — ритм-гитаранавоз (2013—2017)
- Далер Султонов — асбобҳои зарби, табла, (2001—2005), гитаранавоз, гитараи акустикӣ, овозхон (2013—2019)
- Собир Аминов — овозхон, бас-гитаранавоз (1995—2024)
- Фейруз Хакимов — соло-гитаранавоз, асбобхои тордор
Ҷадвали замонӣ
Remove ads
Ҷоизаҳо
- 31 январи соли 1998 гурӯҳи «Парем» барандаи дипломи ҷоизаи «СОНЕЪ» дар номинатсияи «Беҳтарин дебюти сол» гардид, ки аз ҷониби филиали БШСС «МИР»[ru] дар Тоҷикистон ташкил шуда буд.[31].
- 19 декабри соли 1999 гурӯҳи «Парем» лауреати озмуни «Оҳангҳои асри гузашта» дар номинатсияи «Nostalgi» гардид, ки онро Институти «Ҷамъияти Кушода» — Фонди Мадад ташкил шуда буд.
- 15 майи соли 2004 гурӯҳи «Парем» бо суруди «Танҳо дар ёд» лауреати озмуни «Суруди сол 2004» гардид, ки аз ҷониби ширкати телевизион ва радиои «Азия-Плюс» ташкил шуда буд.[32].
- 21 майи соли 2005 гурӯҳи «Парем» бо суруди «Ай Гулак» лауреати озмуни «Суруди сол 2005» гардид, ки аз ҷониби ширкати телевизион ва радиои «Азия-Плюс» ташкил шуда буд[33][34].
- Соли 2016 гурӯҳи «Парем» бо суруди «Ало гул» лауреати озмуни «Суруди сол 2016» гардид, ки аз ҷониби холдинги «Ориёно-Медиа» бо дастгирии Вазорати фарҳанги Ҷумҳурии Тоҷикистон ташкил шуда буд[35].
- 11 декабри соли 2021 гурӯҳи «Парем» бо суруди «Ошиқи зорам» лауреати озмуни «Ҷоизаи мусиқавии Tarona — 2021» (Tarona Music Award 2021) гардид, ки аз ҷониби ширкати телевизион ва радиои «Азия-Плюс» ташкил шуда буд[36][37].
Таронашиносӣ
Албумҳо
Такоҳангҳо
Remove ads
Эзоҳ
Пайвандҳо
Wikiwand - on
Seamless Wikipedia browsing. On steroids.
Remove ads