Раҷабалӣ Раҳмоналӣ

Генерал-полковник Раҷабалӣ Раҳмоналӣ (7 октябри соли 1967, ноҳияи Данғара) — фармондеҳи низомии нерӯҳои мусаллаҳи Тоҷикистон. Аз соли 2013 сардори Сарраёсати Қӯшунҳои сарҳадии Тоҷикистон. ^{[1] [2]}

Раҷабалӣ Раҳмоналӣ
Раҷабалӣ Файзалиевич Раҳмоналиев
Зодрӯз	7 октябр 1967(1967-10-07) (58 сол)
Зодгоҳ	ноҳияи Данғара
Намуди лашкар	Қӯшунҳои сарҳадии КДАМ
Рутба	генерал полковник
Қисм	генерал
Парвандаҳо дар Викианбор

Зиндагинома

Раҷабалӣ Файзалиевич Раҳмоналиев 7 октябри соли 1967 дар ш. Данғара, Вилояти Хатлони ҶШС Тоҷикистон маркази ноҳияи Данғара таваллуд шудааст. ^[1] Соли 1989 Мактаби олии сохтмони ҳарбӣ-сиёсии Таллинро бо ихтисоси ҳарбӣ-сиёсӣ хатм кардааст. ^[1]Дар давоми хизмат дар Челябинск ва РСС Қазоқистон буд. ^[3] Оиладор, соҳиби панҷ фарзанд аст.

Фаъолият

Моҳи марти соли 1992 ба сафи Артиши миллии Тоҷикистон омада, дар Вазорати дифоъ дар вазифаҳои муовини комиссари ҳарбӣ хизмат кардааст. ^[1] Дар солҳои ҷанги шаҳрвандии Тоҷикистон дар отряди Фронти Халқии Тоҷикистон хизмат кардааст. ^[3] Моҳи январи соли 2004 ба ҷои Ғаффор Мирзоев фармондеҳи Гвардияи миллӣ шуд. ^[1] 20 ноябри соли 2013 муовини аввали раиси Кумитаи давлатии амнияти миллии Тоҷикистон таъин шуд, ки ҳамзамон бо вазифаҳои сардори Сарраёсати Қӯшунҳои сарҳадӣ ва Фармондеҳи Қӯшунҳои сарҳадии КДАМ кор мекунад. ^[1]

Фармондеҳи қӯшунҳои сарҳадии КДАМ, генерал-полковник Раҷабалӣ Раҳмоналӣ дар Тошкент соли 2019.^[4]

Ҷоизаҳо

Дорандаи мукофотҳои давлатӣ: ордени «Спитамен» (1997), ордени «Шараф» (1999) ва ордени «Зарринтоҷ дараҷаи II» (2013). ^[1]