Терроризм

Терроризм — сиёсат, бар асоси истифодаи мунтазами террор^[1][2][3]. Новобаста аз қувваи ҳуқуқии истилоҳи «терроризм», таърифи он то кунун духӯра боқӣ мемонад^[4]. Вожаи «террор» (лот. terror — ҳарос, даҳшат) дар забони форсӣ-тоҷикӣ ба унвони «ваҳшатафканӣ»^[5], «даҳшатафканӣ»^[6], ё «ҳаросафканӣ» ном бурда шудааст.

Амали террористии 11 сентябри соли 2001 (МТҶ)

Истилоҳ

Истилоҳоти «террор» ва «терроризм» нахустин маротиба дар Инқилоби Кабири Фаронса солҳои 1793–1797 аз тарафи якобинчиён ба кор бурда шудааст, вале гумон меравад, ки ин вожа шакли дигаргуншудаи  калимаи арабии «таррор» аст. Таррор дар «Фарҳанги забони тоҷикӣ» ба маънои роҳзану одамкуш, кисабуру дузд ва маҷозан ба маънои ҳилагар, маккор, айёр оварда шудааст^[7]. Шояд аврупоиён калимаи «террор»-ро ба маънои даҳшатафканӣ ва хунрезӣ аз калимаи «таррор» гирифта бошанд^[8].

Намудҳои терроризм

Аз рӯйи ҷуғрофия терроризм ба терроризмҳои давлатӣ, фаромиллӣ, маҳалӣ ва фардӣ тақсим мешавад, вале ин ягона тақсимбандӣ нест. Олимон боз терроризмро ба терроризми сиёсӣ, динӣ, миллигароӣ, терроризми ҷаҳонӣ, наркотерроризм, кибертерроризм ва терроризми ҳастаӣ, кимиёвию биологӣ тақсим намудаанд.

Кишварҳо аз терроризм бештар зарардида

Кишварҳои дар солҳои 1994—2004 аз терроризм бештар зарардида^[9]

Ҷой дар раддабандӣ	Кишвар	Шумораи кушташудагони ҳамалоти терористӣ дар солҳои 1994—2004	Шумораи кушташудагони ҳамалоти терористӣ (ба 1 млн аҳолии кишварҳо)
1	ИМА	3238	011,0211,02
2	Русия	2111	014,5414,54
3	Ҳиндустон	1928	001,811,81
4	Исроил	1274	219,3219,3[10]
5	Колумбия	1135	026,8226,82
6	Ироқ	1122	044,2244,22
7	Алжир	869	027,0527,05
8	Покистон	783	004,924,92
9	Уганда	471	017,8417,84
10	Шри-Ланка	409	020,5520,55