Ноҳияи Вобканд

Ноҳияи Вобканд (ӯзбекӣ: Vobkent tumani, Вобкент тумани) — ноҳия (туман) дар вилояти Бухорои Ҷумҳурии Ӯзбекистон. 29 сентябри 1926 таъсис ёфтааст.

Маҳалли аҳолинишин
Ноҳияи Вобканд
Кишвар	Ӯзбекистон
Таърих ва ҷуғрофиё
Таъсис	1926
Масоҳат	390 км²
Баландии марказ	235 м
Минтақаи замонӣ	UTC+05:00
Аҳолӣ
Аҳолӣ	123 600 тан (2013)
vobkent.buxoro.uz

Ноҳияи Вобканд аз ҷануб бо ноҳияи Бухоро, аз ғарб бо ноҳияҳои Пешку, Ромитан, аз шимол бо ноҳияи Шофирком ва аз шарқ бо вилояти Навоӣ ҳамсарҳад аст. Масоҳаташ 29 км². Аҳолиаш 119 ҳазор нафар (2014), тоҷикон, ӯзбекҳо, инчунин русҳо, озарбойҷониҳо, тоторҳо ва дигар миллатҳо зиндагонӣ мекунанд.

Тақсимоти маъмурӣ

Дар Ноҳияи Вобканд як шаҳр (Вобканд), 2 шаҳрак (Харгӯш, Ширин) ва 11 ҷамоати деҳот (Имом Қозихон, Кумушкент, Пирмаст, Раҳкент, Хайработча, Халач, Харгӯш, Эҳсон, Янгикент, Қипчоқ, Қунғирот) мавҷуданд. Марказаш шаҳри Вобканд.

Ёдгориҳои таърихӣ

Аз ёдгориҳои меъморӣ ва таърихӣ Манораи Вобканд (ш. Вобкент), мақбараи Чашмаи Аюб (дар ҳудуди хоҷагии деҳқонии Хайробод, 1208-12), Мадрасаи Абдулазизхон (асрҳои 15-16), Ҳаммоми Вобканд (асрҳои 16-17), Хонақоҳи Суфӣ Деҳқон (асрҳои 17-18) боқӣ мондаанд.