Юрий Лобанов

Юрий Лобанов (Юрий Терентьевич Лобанов; 29 сентябри 1952, Душанбе, ҶШС Тоҷикистон, ИҶШС — 1 майи 2017, Маскав, Русия) — қаиқрони шӯравӣ, аввалин қаҳрамони Бозиҳои олимпӣ аз Тоҷикистон (1972), қаҳрамони 8-каратаи ҷаҳон. Устоди шоистаи варзиши ИҶШС (1972). Бародари қаҳрамони дукаратаи ҷаҳон Михаил Лобанов.

Юрий Лобанов
Иттилоъоти инфиродӣ
Ҷинс	мард
Номи пурра	Юрий Терентевич Лобанов
Кишвар	Иттиҳоди Шӯравӣ
Тахассус	қаиқронӣ дар каноэ
Зодрӯз	29 сентябр 1952(1952-09-29)
Зодгоҳ	Душанбе, ҶШС Тоҷикистон
Таърихи даргузашт	1 май 2017(2017-05-01)
Маҳалли даргузашт	Маскав, Русия
Мураббӣ	Иброҳим Ҳасанов
Қад	178 сантиметр
Вазн	74 кг[1]
Ҷоизаҳо ва медалҳо Бозиҳои олимпии тобистона Тилло Мюнхен 1972 C-2 1 000 м Биринҷӣ Москва 1980 C-2 1 000 м Мусобиқоти қаҳрамонии ҷаҳон Тилло Тампере 1973 C-2 10 000 м Тилло Мехико 1974 C-2 1 000 м Тилло Мехико 1974 C-2 10 000 м Тилло Белград 1975 C-2 10 000 м Тилло София 1977 C-2 1 000 м Тилло София 1977 C-2 10 000 м Тилло Дуйсбург 1979 C-2 1 000 м Тилло Дуйсбург 1979 C-2 10 000 м Нуқра Белград 1971 C-2 500 м Нуқра Тампере 1973 C-2 1 000 м Биринҷӣ София 1977 C-2 500 м Биринҷӣ Белград 1978 C-2 1 000 м

Зиндагинома

Юрий Лобанов 29 сентябри соли 1952 дар шаҳри Душанбе ба дунё омадааст. Ӯ ҳамроҳи бародараш Михаил Лобанов, қаҳрамони дукаратаи ҷаҳон, дар ҳайати дастаи мунтахаби ИҶШС таҳти раҳбарии Мураббии шоистаи ИҶШС Иброҳим Ҳасанов тамрин мекард.

Юрий Лобанов, варзишгари барҷастаи Тоҷикистон дар асри ХХ эътироф шудааст. Юрий Лобанов ва Михаил Лобанов пас аз фурӯпошии Иттиҳоди Шӯравӣ ҳамроҳ бо хонаводаҳояшон дар шаҳри Маскави Русия кору зиндагӣ мекарданд^[2].

Марг

Юрий Лобанов 1 майи соли 2017 дар Маскави Русия дар синни 64-солагӣ аз олам даргузашт^[2].

Маснади варзишӣ

• Қаҳрамони олимпии соли 1972 дар каноэи дукаса бо Владас Чесюнас дар масофаи 1 000 м^[3]
• Медаловари биринҷии бозиҳои олимпии соли 1980 дар каноэи дукаса бо Василий Юрченко дар масофаи 1 000 м
• Қаҳрамони 8-каратаи ҷаҳон дар каноэи дукаса: 1973 (10 000 м), 1974 (1 000 м ва 10 000 м), 1975 (10 000 м), 1977 (1 000 м ва 10 000 м), 1979 (1 000 м ва 10 000 м)
• Медаловари нуқраи мусобиқоти қаҳрамонии ҷаҳон дар каноэи дукаса: 1971 (500 м), 1973 (1 000 м)
• Медаловари биринҷии мусобиқоти қаҳрамонии ҷаҳон дар каноэи дукаса: 1977 (500 м), 1978 (1 000 м)
• Қаҳрамони бисёркаратаи ИҶШС солҳои 1972 — 1977 дар масофаҳои гуногун.

Ҷоизаҳо

• Нишони фахрии «Барои хидматҳои шоиста дар рушди тарбияи ҷисмонӣ ва варзиш» (2001).