Dā də bātorāno kor
From Wikipedia, the free encyclopedia
Ang Da de batorano kor (Pastun: دا د باتورانو کور; Romanisasyon: Dā də bātorāno kor; Filipino: Ito ang Tahanan ng Magiting) ay isang nasheed sa wikang Pastun na itinuturing bilang ang pambansang awit ng Apganistan. Ito ay awiting a kapela, na nangangahulugang hindi ito naglalaman ng mga instrumentong pangmusika, dahil ang mga instrumento ay itinuturing na haram (relihiyosong ipinagbabawal) ng karamihan sa mga iskolar ng Islam sa Apganistan. Ang pinakakaraniwang bersyon na ginagamit para sa awitin ay nagtatampok ng boses ni Mullah Faqir Muhammad Darwesh, isang sikat na munshid (mang-aawit ng nasheed) ng Taliban.[1][2]
دا د باتورانو کور | |
Pambansang awit ng Apganistan | |
Musika | Abdul Ghani Baradar |
---|---|
Ginamit | 1996 (de facto) 2021 (de jure) |
Mayroon ng mga pormal na batas ang Islamikong Emirato ng Apganistan na tumutukoy sa watawat at sagisag nito, ngunit walang pambansang awit na tinukoy. Ang nasheed na ito ay karaniwang ginamit sa mga kreditong pambungad ng mga brodkast ni Da Shariat Zhagh (Filipino: "Boses ng Shariya"), ang opisyal na istasyong radyo ng Taliban, mula noong huling bahagi ng mga 1990, nang kontrolin ng grupo ang karamihan sa teritoryo ng Apganistan, gayundin sa mga bidyo na inilathala ng Komisyon ng Ugnayang Pangkalinangan ng Taliban. Ginamit din ito sa mga seremonyang opisyal, isang halimbawa ay noong 2013 nang buksan ng Islamikong Emirato ang tanggapang pampolitika nito sa Doha, Katar, kung saan tinugtog ang kanta sa seremonya ng pagtataas ng watawat. Dahil sa mga dahilang binanggit, ito ay itinuturing na de factong pambansang awit ng Islamikong Emirato ng Apganistan at ng Taliban.[3][4][5][6][7]