Lalawigan ng Şanlıurfa
From Wikipedia, the free encyclopedia
Ang Lalawigan ng Şanlıurfa (Turko: Şanlıurfa ili) o simpleng tinatawag na Lalawigan ng Urfa ay isang lalawigan sa Turkiya. Ang kabisera ng lalawigan ay ang lungsod ng Şanlıurfa at may populasyon ito ng 1,845,667 (2014).
Lalawigan ng Şanlıurfa Şanlıurfa ili | |
---|---|
Lokasyon ng Lalawigan ng Şanlıurfa sa Turkiya | |
Mga koordinado: 37°15′15″N 39°02′33″E | |
Bansa | Turkiya |
Rehiyon | Timog-silangang Anatolia |
Subrehiyon | Şanlıurfa |
Pamahalaan | |
• Distritong panghalalan | Şanlıurfa |
• Gobernador | Güngör Azim Tuna |
Lawak | |
• Kabuuan | 18,584 km2 (7,175 milya kuwadrado) |
Populasyon (2016)[1] | |
• Kabuuan | 1,940,627 |
• Kapal | 100/km2 (270/milya kuwadrado) |
Kodigo ng lugar | 00414 |
Plaka ng sasakyan | 63 |
Kilala ang lalawigan sa mga lugar Abrahamiko tulad ng Balıklıgöl, kung saan ang Propetang si Abraham ay pinapatopon ni Nimrod sa apoy na pinapapaniwalaan na naging tubig, at ang moske ng Mevlid-i Halil kung saan ipinanganak si Abraham sa yungib katabi ng moske. Ang isa pa na nasa distrito, sa mga 12 km (7 mi) hilagang-silangan ng lungsod ng Şanlıurfa, ay ang lugar bago ang kasaysayan na Göbekli Tepe, kung saan may patuloy na paghuhukay at natuklasan ang 12,000-taon-gulang na mga santuwaryo na pinetsahan mula sa panahong Neolitiko, na tinuturing na pinakamatandang mga templo sa buong sanlibutan, na mas matanda pa sa Stonehenge ng 6,000 taon.
May iba't ibang uri ng populasyon ang lalawigan na binubuo ng mga Kurdo, Arabo, Turko at Yazidi. Tinatayang nasa 47% ng populasyon ang mga Kurdo.[2]