Kwitis
From Wikipedia, the free encyclopedia
Ang kwitis, kuwitis, pampasibad[1] o kohete (Ingles: rocket, Kastila: cohete) ay isang sasakyan, misil, o salimpapaw – tinatauhan (nasasakyan ng tao) katulad ng Saturn V; o hindi tinatauhan (hindi kailangang lulanan ng tao) katulad ng Hangin-sa-hanging misil na Phoenix. Tumataas, umaangat, o pumapailanlang ito dahil sa palabas na sikad mula sa makina. Mas malaki ang sikad na ito kaysa bigat ng behikulo kapag inihambing sa timbang nito sa mundo. Hindi nalilimitahan ng kakayanan ng tao ang mga walang taong kuwitis. Mas mabilis ang pagsibad ng mga kuwitis kaysa tulin ng tunog (Mach 1) at maaaring umabot sa mga bilis na Mach 5 at maging magpahanggang sa 30'000 km/hr kapag nasa orbito.
Tinatawag din ang kuwitis bilang pampasibat (may kaugnayan sa sibat), pampa-igkas, o bomba.[1]