Demograpiya ng Pilipinas
From Wikipedia, the free encyclopedia
Ang demograpiya ng Pilipinas ay ang pagtatala ng katauhang populasyon sa bansa; kabilang na dito ang pagtatala ng kasinsinan ng populasyon, pagkaiba-iba ng mga katutubong tao, antas ng edukasyon, kalusugan, wika, estado ng ekonomiya, mga sinasambang relihiyon, at iba't ibang mga aspekto ng populasyon sa bansa. Ikalabing-dalawa ang Pilipinas sa pinakamataong lugar sa buong mundo at ikatatlumpu't-lima sa densidad. Naitala ang unang senso ng Pilipinas noong 1877 ng pamahalaan ng Espanya na may populasyong 5,567,685.[1] Ang kamakailang senso ay naitala naman noong 2020, na higit sa 109,035,343.[2]