Bubuwit

Ang bubuwit^[1] o maliit na daga (Ingles: mouse [isahan], mice [maramihan]^[1]) ay isang uri ng daga, na isang uri ng mamalya. Malimit na ginagamit ang maliliit na mga hayop na ito para sa mga eksperimentong pang-agham, o minsan bilang alagang hayop. May ilang mga taong iniisip na mga salot o peste ang mga bubuwit na nagdadala at nagsasanhi ng mga karamdaman. May ilan namang mga taong nagtuturing sa mga bubuwit bilang mga walang-malay o inosente, nakakatuwa, at nakakaakit na mga hayop. Dahil kabilang sila sa pangkat na Rodentia, kamag-anakan sila ng mga iskwirel, malaking daga, at kastor. Paminsan-minsang nagagamit ang salitang "daga" para tukuyin ang bubuwit o maliliit na mga daga at malalaking mga daga (mga rat sa Ingles), ngunit mayroon itong kamalian. Kumakain ang mga bubuwit ng mga langgutan, mga buto ng halaman, mga ratiles, at marami pang iba. Sinisila at kinakain ang mga bubuwit ng mga kuwago, soro, pusa, at iba pa.

Tungkol ito sa isang hayop. Tingnan ang maws na pangkompyuter para sa aparatong pangturo na pangkompyuter.

Bubuwit Temporal na saklaw: Huling Mioseno - Kamakailan
Dagang-bahay, Mus musculus
Klasipikasyong pang-agham
Kaharian:	Animalia
Kalapian:	Chordata
Hati:	Mammalia
Orden:	Rodentia
Superpamilya:	Muroidea
Pamilya:	Muridae
Subpamilya:	Murinae
Sari:	Mus Linnaeus, 1758
Mga uri
30 nakikilalang mga uri

Pinakapangkaraniwan sa mga bubuwit ang dagang-bahay. Karaniwang silang itinuturing na mga pesteng pumapasok sa mga kotse at mga bahay.