Pako

Para sa ibang mga gamit, tingnan ang Pako.

Para sa ibang mga gamit, tingnan ang Tagabas.

Ang pako^[3], tagabas^[4][5], eletso^[6], o kaliskis-ahas^[7] (fern sa Ingles) ay isang uri ng halaman na nabubuhay sa tabi ng ilog at sapa na may iba't ibang kaurian (sari-sari). Ginagamit sa ngayon ang pangkaraniwang tagabas para sa pag-aayos ng mga bulaklak para sa kasalan at iba pang pagdiriwang. May isang uri ng tagabas na nakakain at kilala rin ito katawagang paku^[8] na karaniwang ginagawang ensalada o talbos sa ginataang isada, suso o kuhol sa Pilipinas.^[4][9]

Pako sa bundok ng Isarog

Mga pako (Pteridophyta) Temporal na saklaw: Gitnang Devonian[1] - Kamakailan
Klasipikasyong pang-agham
Kaharian:	Plantae
Dibisyon:	Pteridophyta
Mga klase[2]
†Cladoxylopsida Psilotopsida Equisetopsida (alyas Sphenopsida) Marattiopsida Polypodiopsida (alyas Pteridopsida, Filicopsida)

Isang klase ng lutuin mula sa pako.

Tumutukoy din ang pangalang pako o tagabas sa mga sumusunod na halaman:

• Pako (Athyrium esculentum)
• Pakong-alagdan (Blechnum orientale)
• Pakong-anuanag (Onychium siliculosum), tinatawag ding buhok-birhen, dila-dila
• Pakong-gubat (Pityrogramma calomelanos), o pakong-kalabaw
• Pakong-parang (Pteris mutilata)
• Pakong-roman (Ceratopteris thalictroides)
• Pakong-tulog (Selaginella tamariscina), o pakong-sipres
• Pakong-buwaya (Cyathea contaminans)

Maaari ding tumukoy ang ngalang tagabas sa isang hindi-kauri ng mga tunay na pako; ito ang mala-yerbang halamang Kaempferia galanga^[10]