Ibinigay na pangalan

Ang isang ibinigay na pangalan (tinatawag din bilang unang pangalan, pinangalanan o pangalang Kristiyano) ay bahagi ng pansariling pangalan ng isang indibiduwal.^[1] Kinikilala nito ang isang partikular na tao, at ipinagkakaiba ang taong iyon mula sa ibang kasapi ng isang pangkat (kadalasan sa isang pamilya o angkan) na may karaniwang apelyido. Tumutukoy ang katawagang ibinigay na pangalan sa katunayan na kadalasang ipinagkaloob ang pangalan sa isang tao, karaniwan sa isang bata na ibinigay ng magulang ang kanyang pangalan na malapit sa oras ng kanyang kapanganakan. Binibigay din kadalasan ng mga magulang sa kapanganakan ng kanilang anak ang pangalang Kristiyano, na sa kasaysayan, isang unang pangalan na ibinibigay sa binyag.