Instrumento (musika)

Ang mga instrumentong pangmusika, instrumentong musikal, kagamitang pangtugtog, o kasangkapang panugtog ay mga kagamitan o kasangkapang ginagamit o tinugtog upang makalikha ng musika o tugtugin. Maaaring ituring bilang kagamitang pangtugtugin o kasangkapang pangtugtugin ang alinmang bagay na nakagagawa ng tunog, subalit pangkalahatang nangangahulugan ang parirala na mga bagay na espesipiko, partikular, o tiyakang gumagawa ng musika. Maipepetsa ang kasaysayan ng mga pangmusikang instrumento mula sa mga simulain ng kalinangan ng tao. Tinatawag na organolohiya ang akademikong pag-aaral ng mga instrumentong musikal.

Maaaring hatiin ang mga instrumentong musikal sa mga uring:

Instrumentong may bagting (kinakalabit o ginagamitan ng hilis o bow)
Instrumentong hinihipang yari sa kahoy (woodwind)
Instrumentong tanso (brasswind)
Instrumentong pinapalo (Percussion instrument)
Instrumentong may tipahan (keyboard instrument)

Ang orkestra ay may mga instrumentong nagmula sa apat na mga mag-anak:

Mga instrumentong may bagting na ginagamitan ng hilis (halimbawa, biyolin)
Instrumentong hinihipang gawa sa kahoy (halimbawa, plawta)
Instrumentong tanso (halimbawa, trumpeta)
Perkusyon (halimbawa, tambol)

Iba pang halimbawa ng mga kasangkapang pangtugtog: