Kimi ga Yo

Ang Kimi ga Yo (君が代), na malimit na sinasalin bilang "Ang paghahari mo ay tumagal magpakailan man", ay ang pambansang awit ng Hapon. Ito rin ang isa sa mga pinakamaikling pambansang awit na ginagamit. Mayroon lamang itong 11 na sukat at 32 na karakter.^{[1] [2] [3]} Ang liriko ay binatay sa isang tulang Waka na isinulat noong Panahong Heian at inaawit sa melodiya na sinulat noong Panahong Meiji. Ang pangkasalukuyang melodiya ay pinili noong 1880. Pinalitan nito ang hindi gaanong sikat na melodiya na ginawa labing-isang taon nang nakalilipas.

Kimigayo
Ang Mag-hari nang Kanyang Kamahalan

君が代
Score ng Kimigayo
Pambansang awit ng  Hapon
Liriko	Tulang Waka, Heian (794-1185)
Musika	Yoshiisa Oku, Akimori Hayashi at Franz Eckert, 1880
Ginamit	13 Agosto 1999
Tunog
Kimigayo (Instrumental) file help

Kahit na ang Kimi ga Yo ay matagal nang de facto na pambansang awit ng Hapon, noong 1999 lamang itong kinilala ayon sa batas sa pamamagitan ng pagpasa ng Batas Tungkol sa Pambansang Watawat at Awit. Pagkatapos ng pagpapakilala nito, may mga kontrobersiya tungkol sa pagsagawa ng awit sa mga seremonya sa mga pampublikong paaralan. Ang Kimi ga Yo, kasama ng Hinomaru, ay sinasabing simbolo ng imperyalismo at militarismo ng mga Hapones.^[1]

Titik

Hiragana きみがよは ちよにやちよに さざれいしの いわおとなりて こけのむすまで

Rōmaji Kimi ga Yo wa Chiyo ni Yachiyo ni Sazare-Ishi no Iwao to Nari-te Koke no Musu made

Opisyal[4] 君が代は 千代に八千代に さざれ石の いわおとなりて こけのむすまで

Tagalog Nawa ang iyong paghahari Ituloy para sa isang libo, walong libong salinlahi, Hanggang sa mga batong munti Sumibol kasama ang malaking bato Sa kanila kasama ang lumot

Ingles May your reign Continue for a thousand, eight thousand generations, Until the pebbles Grow into boulders Lush with moss