Lakas–CMD

Ang Lakas–Christian Muslim Democrats (literal sa Tagalog: Lakas–Mga Demokratang Kristiyano at Muslim), pinapaikli bilang Lakas–CMD at kilala din bilang Lakas lamang, ay isang partidong pampolitika sa Pilipinas. Tinuturing ang Lakas–CMD na nasa gitnang-kaliwa ng espektrong pampolitika at naiimpluwensiyahan ng demokrasyang Kristiyano at demokrasyang Islam. Simula noong halalang 2022, ang Lakas–CMD ay ang pinakamalaking partido sa Kamara de Representante, na ang pangulo ng partido, si Martin Romualdez, ang nagsisilbing Ispiker ng Kamara.^[4] Dominanteng kasapi ang partido ng UniTeam Alliance (literal: Alyansang UniKoponan) na pinamumunuan ni Pangulong Bongbong Marcos.

Lakas–Christian Muslim Democrats
Tagapangulo	Bong Revilla Jr.
Pangulo	Martin Romualdez
Kalihim-Panlahat	Jose Aquino II
Nagtatag	Fidel Ramos Raul Manglapus
President Emeritus	Gloria Macapagal Arroyo
Itinatag	Disyembre 1991; 33 taon ang nakalipas (1991-12) (original form) 18 Hunyo 2008; 17 taon na'ng nakalipas (2008-06-18) (current form)
Pagsasanib ng	Lakas–CMD and KAMPI
Punong-tanggapan	3/F, Universal Re Building, 106 Paseo de Roxas, Legazpi Village, Makati, 1229 Metro Manila
Pangkabataang Bagwis	Lakas Youth
Ideolohiya	Christian democracy Islamic democracy Conservatism Filipino nationalism Federalism[1][2] Parliamentarianism
Posisyong Pampolitika	Centre-right[3]
Kasapiang Pambansa	UniTeam (2021–present) Coalition for Change (2016–2021)
Kasapaing Pandaigdig	Centrist Democrat International
Opisyal na kulay	Sky blue, gold, green, orange
Seats in the Senate	1 / 24
Seats in the House of Representatives	89 / 316
Provincial governorships	10 / 81
Provincial board members	18 / 1,023
City and municipal mayorships	68 / 1,634
City and municipal councilors	514 / 16,812
Logo
Talaksan:Lakas CMD.svg
Website
lakascmd.com

Isa sa miyembro ng Lakas–CMD, si Gloria Macapagal Arroyo, ang naging pangulo, na nakaluklok na sa puwesto nang nabuo ang partido noong 2009, at isang kasapi naman ang naging pangalawang pangulo, si Sara Duterte, na nahalal noong 2022.

Nagsanib noong 2009 ang orihinal na Lakas–CMD (na itinatag noong 1991) sa Kabalikat ng Malayang Pilipino (KAMPI), na binuo ang Lakas Kampi CMD. Bumalik sa orihinal na pangalan ang partido at nawala sa pangalan ang KAMPI. Nangyari ito pagkatapos kumalas ang maraming kasapi at binuo ang National Unity Party^[5] (literal: Partido ng Pambansang Pagkakaisa).

Pagkatapos ng halalan ng 2010, nahati ang partido sa parehong bloke ng mayorya at minorya. Noong 2013, sinuporta ng Lakas ang karamihan ng mga kandidato ng koalisyong oposisyon na United Nationalist Alliance (Alyansa ng Nagkakaisang Nasyonalista), bagaman hati pa rin ang partido.^[6][7] Pagkatapos ng halalan ng 2016, sumali ang partido sa mayorya na pinangungunahan ng PDP–Laban, ang partido ng nanalong kandidato sa pagkapangulo, si Rodrigo Duterte. Noong 2019, sumali ang partido sa alyansang Hugpong ng Pagbabago. Pagkatapos ng halalan ng 2022, nanalo ang kandidato ng Lakas sa pagkapangalawang pangulo ng bansa at pinalitan ang PDP–Laban bilang ang pinakamalaking partido sa Kongreso, na naging mayorya.^[8]

Kasaysayan

National Unity Party

Noong 2010, kumalas ang ilang mga kasapi ng Lakas-Kampi-CMD at itinatag ang National Unity Party (NUP) (Filipino: Partido ng Pambansang Pagkakaisa).