Mitolohiyang Etrusko

Ang mitolohiyang Etrusko ay tumutukoy sa mitolohiya ng mga diyos at diyosa ng kabihasnang Etrusko, mga taong hindi nalalaman ang pinagmulan at namuhay sa Hilagang Italya. Mayroong sariling pananampalataya ang mga taong ito. Sa pagiging kasanib ng mga Etrusko sa ilalim ng Imperyo ng Roma, karamihan sa mga paniniwala, kaugalian, at mga sinasambang diyus-diyosan ng mga taong ito ang naging bahagi ng kulturang Romano at napabilang sa Romanong panteon. Naniniwala ang mga Etruskong ipinahayag sa kanila ang kanilang relihiyon sa pamamagitan ng mga sinaunang sir (binabaybay na seer sa Ingles), o mga taong klerboyante o may kakayahang maglakbay-diwa.^[1]

Mga labi ng isang templong Etrusko. Bihirang makatuklas ng ganitong mga guho.

Kabilang sa mga diyos at bayani ng mga Etrusko sina Tinia, Uni, Menrva, Apulu, Artumes, at Hercle. Naririto ang katumbas ng mga ito sa Griyego at Romano:^[2]

Etrusko	Griyego	Romano
Tinia, Tina, o Tin	Zeus	Hupiter (Jupiter)
Uni	Hera	Huno (Juno)
Menrva	Atena (Athena)	Minerva
Apulu o Aplu	Apollo	Apollo
Artumes	Artemis	Diana
Hercle	Herakles	Herkules (Hercules)