Likas na wika

Sa neurosikolohiya, lingguwistika, at pilosopiya ng wika, ang natural na wika, likas na wika o pangkaraniwang wika ay anumang wika na natural na nangyayari sa isang komunidad ng tao sa pamamagitan ng proseso ng paggamit, pag-uulit, at pagbabago nang walang sinasadyang pagpaplano o premeditasyon. Maaari itong magkaroon ng iba't ibang anyo, karaniwan ay isang sinasalitang wika o isang pakumpas na wika . Ang mga likas na wika ay naiiba sa mga binuo at pormal na wika tulad ng mga ginagamit sa pagprograma ng mga kompyuter o sa pag-aaral ng lohika. ^[1]

Pakahulugan sa likas na wika

Ang likas na wika ay maaaring malawak na tukuyin bilang iba sa

• artipisyal at ginawang mga wika, hal. computer programming language (wikang pamprograma sa kompyuter)
• ginawang mga internasyonal na pantulong na wika
• mga sistema ng komunikasyon sa kalikasan ng di-tao tulad ng mga bokalisasyon ng balyena at iba pang mamalyang pandagat o honey bees' waggle dance (sayaw kawag ng mga pukyutan). ^[2]

Ang lahat ng mga uri ng mga wika sa daigdig ay natural na mga wika, kabilang ang mga nauugnay sa lingguwistikong pagtatakda o regulasyon ng wika . (Ang mga di-batayang diyalekto ay maaaring tingnan bilang isang ligaw na uri kumpara sa mga istandard na wika.) Isang opisyal na wika na may nagreregulang akademya tulad ng Pamantayang Pranses, pinangangasiwaan ng Académie Française, ay inuri bilang isang natural na wika (hal. sa larangan ng natural na pagpoproseso ng wika), dahil ang mga preskriptibong aspeto nito ay hindi ginagawang sapat ang pagkakagawa nito upang maging isang binuong wika o sapat na kontrolado upang maging isang kontroladong natural na wika.