Okha, Rusya

Tungkol sa lungsod sa Sakhalin Oblast, Rusya ang artikulo na ito. Para sa bayan sa India, tingnan ang Okha, India.

Ang Okha (Ruso: Оха́) ay isang lungsod at sentrong pampangasiwaan ng Distrito ng Okhinsky ng Sakhalin Oblast, Rusya. Matatagpuan ito sa silangang baybaying-dagat ng dulong hilaga ng Pulo ng Sakhalin, sa layo na humigit-kumulang 850 kilometro (530 milya) hilaga ng Yuzhno-Sakhalinsk, malapit sa dalampasigan ng Dagat Okhotsk. Mayroon itong populasyon na 23,008 katao ayon sa Senso 2010.^[2]

Okha Оха
Lungsod[1]
Watawat Eskudo de armas
Lokasyon ng Okha
Okha Lokasyon ng Okha Show map of Russia Okha Okha (Sakhalin Oblast) Show map of Sakhalin Oblast
Mga koordinado: 53°35′N 142°56′E
Bansa	Rusya
Kasakupang pederal	Sakhalin Oblast[1]
Distritong administratibo	Okhinsky District[1]
Itinatag	1880
Katayuang lungsod mula noong	1938
Lawak
• Kabuuan	44 km2 (17 milya kuwadrado)
Taas	30 m (100 tal)
Populasyon  (Senso noong 2010)[2]
• Kabuuan	23,008
• Kapal	520/km2 (1,400/milya kuwadrado)
Kalagayang administratibo
• Kabisera ng	Okhinsky District[1]
Kalagayang munisipal
• Urbanong okrug	Okhinsky Urban Okrug[3]
• Kabisera ng	Okhinsky Urban Okrug[3]
Sona ng oras	UTC+11 ([4])
(Mga) kodigong postal[5]	69449x
(Mga) kodigong pantawag	+7 42437[6]
OKTMO ID	64736000001
Websayt	okhacity.ru

Kasaysayan

Itinatag ito kasunod ng pagkatuklas ng petrolyo sa lugar noong 1880, una sa pangalang Okhe. Hinango ito mula sa isang salitang Ainu na nagngangahulugang "Masamang Tubig" ("Bad Water"). Nagsimula ang industriyal na paggagalugad ng mga reserba ng petrolyo noong 1923, sa kasagsagan ng pananakop ng mga Hapones sa Pulo ng Sakhalin noong 1920-1925. Ginawaran ito ng katayuang panlungsod noong 1938.

Nakaranas ng pinsala ang lungsod noong naganap ang Lindol sa Neftegorsk ng 1995 noong Mayo 28, at ginawang mahalagang himpilan para sa mga tagasagip na ipinadala to Neftegorsk na nawasak nang husto kaya hindi na ito muling itinayo. Inilipat ang ilang mga nakaligtas na taga-Neftegorsk sa Okha. Tumama sa lungsod ang isang mahinang lindol noong Mayo 10, 2005, ngunit walang naitalang namatay o malakihang pinsala rito.

Demograpiya

Historical population

Taon	Pop.	±%
1989	36,104	—
2002	27,963	−22.5%
2010	23,008	−17.7%
Senso 2010:[2]; Senso 2002:[7]; Senso 1989:[8]

Ekonomiya

Kasama ang sentrong pampangasiwaan na Yuzhno-Sakhalinsk, ang Okha ay sentro ng industriya ng petrolyo sa oblast. Bumabagtas ang isang linya ng tubo ng langis at tubo ng gas mula Okha papuntang Komsomolsk-na-Amure sa kalupaang Rusya. Malapit sa lungsod ang ilang mga balon ng langis, karamiha'y pinamamahala ng kompanyang Rosneft.

Transportasyon

Nasa hilagang dulo ng sistemang daanan ang lungsod. Mayroon dating ugnayang daambakal sa sistema ng makitid na riles ng Sakhalin sa Nogliki, ngunit sinarado ito noong 2006.

Mayroon ding isang paliparan sa Okha na may mga serbisyo patungong Khabarovsk at Yuzhno-Sakhalinsk.