Raja

Ang Raja, rajah o ladya^[1](p101) ay ang pinakamataas na pamagat o ranggo sa isang estado noong sinaunang panahon sa iba't ibang mga kaharian sa Timog at Timog Silangang Asya. Ito rin ay kilala sa katawagang 'raha' na isang lumaong bigkas ng mga Kastila sa salita.

Ito ay hango sa salitang Sanskrito na raja na nangangahulugang "hari". Ang salitang raja ay nakarating sa kapuluang Pilipinas sa pamamagitan ng wikang Malayo at naging isa sa mga pinakaginagamit na pamagat o katawagan sa mga hari ng marami sa mga kabayanan sa kapuluan noong panahon bago ang pananakop ng mga Kastila.