Sabado de Gloria

Ang Sábado de Gloria, Sábado ng Luwalhati, Sábado Santo, o Banal na Sábado; (Ingles: Black Saturday, Holy Saturday; Latin: Sabbatum Sanctum) ay ang araw na kasunod ng Biyernes Santo.^[1]

Sabado de Gloria
Ang paglibing kay Kristo (Sevilla, Espanya)
Opisyal na pangalan	Sabado Santo
Ibang tawag	Bisperas ng Pagkabuhay, Black Saturday
Ipinagdiriwang ng	Kristiyano
Uri	Relihiyoso
Kahalagahan	Ginugunita ang araw na si Hesukristo ay nakahimlay sa libingan at nanaog sa mundo ng mga patay
Petsa	Sabado bago ang Panahon ng Pagkabuhay
2025 date	date missing (please add)
Kaugnay sa	Pasko ng Pagkabuhay

Ito ang araw bago ang Pasko ng Pagkabuhay at ang huling araw ng Mahal na Araw, kung kailan naghahanda ang mga Kristiyano para sa Linggo ng Pagkabuhay. Iginugunitâ sa araw na ito ang pagkahimlay ng katawan ni Hesukristo sa Santo Sepulkro, habang bumababâ ang kaniyang kaluluwâ sa Sheol (ang tinutukoy na "Kinaroroonan ng mga Yumao" sa Kredong Niseno) upang ipahayag ang Mabuting Balita sa mga patay doon at iyadyâ sila.

Sa Pilipinas, kalimitang itinutuloy ang pansamantalang pagbabawal sa pagdiriwang at ingay na sadyang ipinapatupád mula noong Biyernes Santo. Pagkagat ng dilim sa araw na ito, sinisimulan nang ipagdiwang ng mga simbahan ang Bihilya ng Pagkabuhay.