Mamag

Ang mamag,^[3] na kilala sa Ingles bilang tarsier^[1] ay isang bertebrado sa klaseng mamalya. Isa ito sa pinakamaliit na mamalyang hayop na nagpapasuso sa mga anak. Isa itong nokturnal o panggabing hayop. Aktibo lamang ang mga mamag tuwing gabi kung kailan naghahanap sila ng kanilang mga makakain. Kilala ang mga mamag sa taglay nilang mga naglalakihang mata. Ito ang tumutulong sa kanila upang makahanap ng mga makakain sa gitna ng kagubatan. Sa Timog Silangang Asya karamihang matatagpuan ang mga mamag. Pinakatanyag ang mga uring makikita sa Indonesya at Pilipinas. Sa Pilipinas makikita ang mga ito sa lalawigan ng Bohol sa Gitnang Visayas. Tinatawag din itong mawmaw (maomao) o maomaog.

Philippine tarsier[1]
Katayuan ng pagpapanatili
Malapit na Manganib (IUCN 3.1)[2]
Klasipikasyong pang-agham
Kaharian:	Animalia
Kalapian:	Chordata
Hati:	Mammalia
Orden:	Primates
Pamilya:	Tarsiidae
Sari:	Carlito Groves & Shekelle, 2010
Espesye:	C. syrichta
Pangalang binomial
Carlito syrichta (Linnaeus, 1758)
Geographic distribution of Philippine tarsier

Isang mamag sa Bohol.