Ang bugaw ay isang taong tagapamagitan o tagapagtambal. Kung tutuusin, may mabuti itong kahulugan sapagkat sa orihinal na paggamit gumaganap ang taong ito bilang "tulay" sa pagitan ng isang manliligaw at ng nililigawan. Subalit sa makabagong gamit, nagkaroon ito ng masamang pakahulugan. Naging isang taguri ito para sa isang manunulsol o tagapangalakal ng patutot. Nilalarawan din ang bugaw bilang ang amo at tagapag-ingat o tagaprutekta ng isang prostituta.