Винни-Пух

Винни-Пух (ингл. Winnie the Pooh) — Алан Александр Мильн язган шигырьләр һәм хикәяләр персонажы. Советлар Берлегендә һәм Россия Федерациясендә Борис Заходерның рус теленә тәрҗемәләре һәм аларга нигезләнгән Союзмультфильм мультфильмнары аркылы танылган.

Винни-Пух
Туган телдә исем	ингл. Winnie the Pooh
Туган	24 декабрь 1925(1925-12-24) (99 яшь)
Яшәгән урын	Йөз акрлы урман[d]
Винни-Пух Викиҗыентыкта

Винни ана зат аюсы һәм хуҗасы лейтенант Колбурн, 1914.

Кристофер Робинның мәшһүрләшкән оригиналь уенчыклары, Нью-Йорк музее.

Совет мультфильмына багышланган почта маркасы.

Барлыкка килүе

Виннипег ана зат аю баласы Лондонга 1914 елда Беренче бөтендөнья сугышында катнашы өчен Бөекбританиягә күчерелгән Канада гаскәрләре белән килә. Исеме хуҗасы лейтенант Гарри Колбурн үскән Виннипег шәһәре хакына бирелә. Францияга юллану алдыннан, канадалылар аны шәһәр зоопаркына калдырырга була, калган гөмерен (1932 елга кадәр) ул анда үткәрә, җирле балалар аны бик яратып китә. 1924 елда Алан Милнның улы Кристофер Робин Милн да аның белән таныша, баланың сөелгән аю уенчыгы атасы февральдә язган шигерендә сүзгә алына.^[1] 1925 елгы декабрь аенда (Раштуа алдыннан) чыккан "Дөрес булмаган умарта кортлары" (ингл. "The Wrong Sort Of Bees") хикәясендә беренче тапкыр Пух исеме кулланыла.^[2][3] 1926 елда Винни-Пух турындагы хикәяләр аерым китап буларак чыга (ингл. Winnie-the-Pooh).