Владимир Бутлеров

Владимир Александрович Бутлеров (1864 елның 3 (15) апреле, Казан, Россия империясе — 1934) — Россия империясенең Дәүләт советы әгъзасы, хакыйкый дәүләт киңәшчесе, алпавыт һәм эшмәкәр.

Википедиядә Бутлеров фамилияле башка кешеләр турында мәкаләләр дә бар.

Владимир Бутлеров
Туган	3 (15) апрель 1864
Үлгән	1934
Әлма-матер	Санкт-Петербург университетының физика-метематика факультеты[d]

Тормыш юлы

Владимир Бутлеров 1864 елның 3 (15) апрелендә Казанда рус химигы Александр Михайлович Бутлеров (1828—1886) гаиләсендә туа. Әнисе — Надежда Михайловна Глумилина (кияүдә — Бутлерова; 1828—1886), С. Т. Аксаковның туганы. Абыйсы — Михаил Бутлеров (1853—1931).

1883 елда көмеш медаль белән Ларин гимназиясен тәмамлый^[1]. 1888 елда кандидат исеме белән Санкт-Петербург университетының физика-математика факультетының табигый бүлеген тәмамлый.

1888 елда 1 нче артиллерия бригадасына хәрби хезмәткә керә. 1889 елда прапорщик дәрәҗәсендә запаска чыга. Ике ел дәвамында Псков губернасы Псков өязенең 2 нче участогы земство башлыгы булып хезмәт итә; соңрак Нократ губернасы Нулин өязенең 2 нче участогында. 1892 елда Бутлеров отставкага китү турында гариза бирә.

Отставкага чыккач, Пенза губернасының Городище өязендә урнаша һәм авыл хуҗалыгы белән шөгыльләнә. Аның Сембер һәм Пенза губерналарында җирләре булган: 1906 елда — 3221 дисәтинә, 1907 елда — 2441 дисәтинә; 1916 елда Вологда губернасында — 1928 дисәтинә үз җире һәм 59915 дисәтинә посессион хокукта. 1910 елда ул Томаш тимер юлы төзелешенә концессия ала. 1896 елдан — Городище өяз төрмә бүлеге директоры. 20 елдан артык ул Городище өязе буенча мактаулы җәмәгать судьясы булган. 1897—1900 елларда — Городище өязенең 4 нче участогы земский башлыгы. 1899—1911 елларда — Городище өяз дворянлыгы җитәкчесе.

1906 елның 12 апрелендә Пенза губернасы земствосыннан Россия империясенең Дәүләт советы әгъзасы итеп сайлана; 1909, 1912 һәм 1915 елларда вәкаләтләр бетү сәбәпле яңадан сайлана^[2].

II дәрәҗә Изге Анна (1902), IV (1907) һәм III (1909) дәрәҗә Изге Владимир орденнары белән бүләкләнә.

Өйләнгән, өч баласы булган.

1934 елда вафат була.