Kaliforniä universitetı

Kaliforniä universitetı (ingl. University of California), UC — Amerikanıñ Kaliforniä ştatında ictimaği^[en] tikşerenü^[en] universitetları sisteması. 1868 yılnıñ 23 martında nigezlängän. Ştab-fatirı Oklendta urnaşqan, sistema Berkli^[en], Devis^[en], İrvayn^[en], Los-Anceles^[en], Mersed^[en], Riversayd^[en], San-Diego^[en], San-Fransisko^[en], Santa-Barbara^[en] häm Santa-Kruz^[en] şähärlärendäge un kampustan, şulay uq küpsanlı tikşerenü häm akademik üzäklärdän tora^[1].

Kaliforniä universitetı ingl. University of California
Şiğär	«Fiat lux[d]» («Yaqtılıq bulsın»)
Nigezlängän yılı	1868
Tip	ictimaği[en] tikşerenü[d] universitetları sisteması
Urın	AQŞ, Kaliforniä, Oklend (prezident ofisı)
Sayt	universityofcalifornia.edu

1900 yılda Kaliforniä universitetı Amerika universitetları assotsiatsiäsenä^[en] nigez saluçılarnıñ berse bulğan. Kaliforniä universitetı uqıtuçıları häm tikşerenüçeläre 2021 yılğa 71 Nobel premiäse alğan^[2].

Kaliforniä universitetınıñ iñ yaña kampusı Mersedta 2005 yılnıñ közendä açılğan. San-Fransiskoda urnaşqan Kaliforniä universitetınıñ xoquq kolllecı^[en] yuridik yaqtan Kaliforniä universitetı belän bäyle häm anıñ isemen yörtä, ämmä başqa yaqtan avtonomiäle bulıp tora.

Kaliforniä universitetı Regentlar şurası tarafınnan idärä itelä, anıñ ştat xökümäteneñ qalğan öleşennän avtonomiäse ştat konstitutsiäse belän yaqlanğan^[3].

Universitet strukturası

• Berklidağı Kaliforniä universitetı^[en]
• Devistağı Kaliforniä universitetı^[en]
• İrvayndağı Kaliforniä universitetı^[en]
• Los-Ancelestağı Kaliforniä universitetı^[en]
• Mersedtağı Kaliforniä universitetı^[en]
• Riversaydtağı Kaliforniä universitetı^[en]
• San-Diegodağı Kaliforniä universitetı^[en]
• San-Fransiskodağı Kaliforniä universitetı^[en]
• Santa-Barbaradağı Kaliforniä universitetı^[en]
• Santa-Kruzdağı Kaliforniä universitetı^[en]

şulay uq:

• Kaliforniä universitetınıñ San-Fransisko xoquq kollecı^[en]
• Lik observatoriäse^[en]
• Skripps okeanografiä institutı^[en]

Näşriätı

Töp mäqälä: University of California Press

Universitet qarşında akademik ädäbiät çığaru belän şöğellänüçe University of California Press (UC Press) näşriätı bar. 1868 yılda universitet xezmätkärläre tarafınnan fänni ädäbiät näşer itelä başlağaç barlıqqa kilgän, ä näşriät bularaq 1893 yılda nigezlängän^[4]. Tabışsız oyışma bulıp tora, universitet häm Kaliforniä ştatı tarafınnan finanslana^[5]. Näşer itelä torğan avtorlarnıñ öçtän bere — universitet xezmätkärläre. Nigez salınğannan birle räsmi räweştä universitetnıñ Berkli kampusında^[en] urnaşa^[5]. Administratsiä — Oklendta, möxärriät — Los-Ancelesta, ä satu bülege Nyu-Yorkta urnaşqan.