Киек Каз Юлы

Киек Каз Юлы галактикасы (шулай ук тик Галактика (баш хәрефтән)) — гаять зур йолдызлар системасы. Аның эченә Кояш системасы, гади күз белән күренүчән йолдызлар һәм күпсанлы башка йолдызлар керәләр.

Киек Каз Юлы

Киек Каз Юлының санак моделе
Билгеләре
Диаметр	100 000 яктылык елы
Калынлык	1 000 яктылык елы
Йолдызлар саны	2–4×1011
Масса	3,0×1012
v • d • e

Киек Каз Юлы Бөтен Галәмнең күпсанлы галактикаларыннан берсе. Ул Хаббл классификациясе буенча SBbc төре тоташтырмалы бормалы галактикасы дип санала, һәм Андромеда (M31), Өчпочмак (М33) галактикалары һәм берничә кечерәк иярчен-галактикалар белән Җирле төркемне тәшкил итә, бу төркем исә Сөмбелә үтә тупланышына керә.

Атамалар

Татар телендә безнең галактика Киек Каз Юлы дип атала. Башка халыкларда ул Сөт Юлы (лат. Via Lactea, рус. Млечный Путь) дип атала. «Галактика» исеме (шул ук «Сөт Юлы») грек. γάλα — «сөт» сүзеннән Γαλαξίας ясалма сүзеннән килеп чыга. Борынгы греклар риваяте буенча, Зевс үзенең гади хатыннан туган улын үлемсез итәсе килә. Шуңа күрә ул Гераклны үзенең хәләл җефете Гераның имчәгенә яткырып куйган. Гера, уянып китсә, башка хатын баласының имүен күрә һәм Гераклны читкә этеп җибәрә. Аның имчәгеннән чәчрәп чыккан сөт агымы Сөт Юлына әверелә.

Совет астрономия мәктәбендә безнең галактика тик «безнең Галактика» (рус. наша Галактика) яки «Киек каз юлы системасы» (рус. система Млечный Путь) дип кенә атала.

Сылтамалар

• Киек Каз Юлы — фотографияләр 2007 елның 20 август көнендә архивланган.