Parijdağı terror ğämälläre (noyäber, 2015)

Parijdağı terror ğämälläre, terrorçılar Parijğa höcüme - 2015 yılnıñ 13 noyäberendä kiçen Fransiä başqalasınıñ berniçä urınında qorallı höcümnär näticäsendä yözdän artıq keşe häläk bula.

Parijdağı terror ğämälläre
Höcüm itkän "Bataklan" teatrı
Höcüm urını	Parij, Fransiä
Data	13 noyäber, 2015, 21:16-23:58 CET
Höcüm ısulı	atu, şartlaw, totıq alu
Qoral	avtomatik qorallar, şartlatqıç
Häläk bulğan	153 keşe[1]
Yaralanğan	352 keşe, 99 kisken xalättä
Terorçılar sanı	8 beterelgän, 2 ezläwgä iğlan itelgän
Cinäyättä cawaplı	İGİL
Үрнәк: Карау • Бәхәс • Үзгәртү

Höcümnär xaritası

Ber ük waqıtta Parij stadionı "Stad de Frans" yanında berniçä şartlaw bula, ul waqıtta biredä Fransiä häm Almaniä cıyılma taqımnarı arasında iptäşlärçä matç uza, stadionda prezident Fransua Olañd bula. Şulay uq restorannarda bulğan keşelär atıp üterelgän häm "Bataklan" teatrında totıqlar itep alınğan häm 100 artıq keşe üterelgän.

Ğomum qorbannar sanı 153 keşe^[1], 100 keşe totıq itep alınğan.

Qorbannar sanı buyınça Frantsiä tarixında iñ zur terror ğämälläre.

Terror oyışması "İGİL" terror höcüme öçen üzenä cawaplığın aldı.

Tarix

13 noyäberdä Parijnıñ törle öleşendä 7 höcüm bula.

• "Peti Kamboc" (Petit Cambodge) häm "Le Karilion" (Le Carillon) restorannarına höcüm itü näticäsendä 26 keşe häläk bula.
• La Casa Nostra restoranına höcüm itü
• "Stad de Frans" stadionı yanında şartlawlar näticäsendä 10 keşe häläk bula.
• La Belle Equipe kafesında atışı näticäsendä 18 keşe häläk bula.
• "Bataklan" teatrına höcüm itü, totıq alu näticäsendä 100 artıq keşe häläk bula.
• Les Halles säwdä üzäge yanında atış