Паспорт башкортлары

Паспорт башкортлары - БАССРда үзен татар дип санаган, әммә паспортында иясенең рөхсәтеннән башка милләте "башкорт" язылган кешеләр төркеме. Андый практика бигрәк тә Татарстан белән чиктәш районнарында кулланылган.

Бу терминның башка аңлатмалары да бар, аларны карау өчен Башкортлар (мәгънәләр) битенә күчегез.

Мәсьәлән, 1990 елда Борай районы халкының 43%ы паспортлары буенча башкорт, 42%ы паспортлары буенча татарлар булган. Шул ук елда үткәрелгән сораштыру нәтиҗәсе бөтенләй башка булган: татарлар - 66%, башкортлар - 18%. Ягни, Борай районы башкортларының өчтән ике өлеше "паспорт башкортлары" булып чыккан.^{[1] [2]}