Рәмзия Габделхакова

Рәмзия Габделхакова, Рәмзия Гайса кызы Габделхакова (Юнысова) (1959 елның 2 ноябре, ТАССР, Чирмешән районы, Иске Үтәмеш) — шагыйрә, прозаик, журналист. Татарстанның журналистлар (2000 елдан) һәм язучылар (2003 елдан) берлекләре әгъзасы. Татарстанның атказанган мәдәният хезмәткәре (2015), Ш. Бикчурин (1998), С. Сөләйманова (2006, 2019), Фатих Хөсни (2025), Рафаил Төхфәтуллин (2025) исемендәге әдәби премияләр лауреаты.

Рәмзия Габделхакова
Туу датасы:	2 ноябрь 1959(1959-11-02) (65 яшь)
Туу урыны:	ТАССР, Чирмешән районы, Иске Үтәмеш
Милләт:	татар
Ватандашлык:	СССР РФ
Эшчәнлек төре:	язучы
Юнәлеш:	проза, шигърият
Иҗат итү теле:	татар теле
Премияләр:	Шамил Бикчурин премиясе (1998) Саҗидә Сөләйманова премиясе (2006, 2019) Фатих Хөсни премиясе (2025) Рафаил Төхфәтуллин премиясе (2025)
Бүләкләр:
Яшәү җире	Әлмәт[1]

Википедиядә Габделхаков фамилияле башка кешеләр турында мәкаләләр дә бар.

Тәрҗемәи хәле

1959 елның 2 ноябрендә Татарстан АССР Чирмешән районы Иске Үтәмеш авылында туган. Хәзер Әлмәт шәһәрендә яши.
Казан дәүләт университетының журналистика һәм социология факультетын тәмамлаган. Сәүдә системасында, җирле радиотапшырулар редакцияләрендә, Лениногорск районында чыгучы «Заман сулышы» газетасында хезмәт күрсәтә.^[2]

Дөнья күргән китаплары

• Кар өстендә миләшләр. Шигырьләр. Лениногорск, 1996;
• Көзге яшен. Шигырьләр. Казан, 2005;
• Көмеш тун. Хикәяләр. Казан, 2006;
• Тау артында кояш бар. Роман һәм хикәяләр. Казан, 2011;^[3]
• Нишләттегез Гөлкәйне?! Повестьлар. Казан, 2014
• Канатсыз очыш. Повесть һәм хикәяләр. Казан, 2019

Җыентыкларда

• «Җырларымны сиңа багышлыйм» — 1995;
• «Чишмә җыры» — 1998;
• «Син дә шагыйрь, мин дә шагыйрь» — 2000;
• «Балаларга бүләк» — 2007;
• «Яңа базар» — 2012;
• «Современные татарские рассказы» — 2012.
• «Илһамият чишмәләре» — 2013

Бүләкләре, мактаулы исемнәре

• 1998 — Ш. Бикчурин исемендәге премия — «Чишмә җыры» әлманахында (Лениногорск) басылган шигырьләре өчен^[4]
• 2006 — С. Сөләйманова исемендәге премия — кызыксындыру премиясе.
• 2015 — Татарстан Республикасының атказанган мәдәният хезмәткәре
• 2019 — С. Сөләйманова исемендәге премия — төп премия^[5].
• 2025 — Фатих Хөсни исемендәге премия — Елның иң яхшы проза әсәре өчен^[6]
• 2025 — Рафаил Төхфәтуллин исемендәге премия («Әдәбият» номинациясендә җиңүче)^[7]