Саф (радио)

«Саф» радиосы, САФ (Сабыйларыбыз өчен Ана телендә Файдалы дус) ― балалар өчен Интернет киңлегендә татар телендә эшләүче беренче радио. 2022 елның 1 июненнән сынау режимында старт алган радио тәүлек буе эшли.

«Саф» балалар радиосы
Шәһәр	Казан
Ил	Россия / Татарстан Татарстан
Тапшыру форматы	интернет-радио
Тапшыру зонасы	бөтен дөнья
Тапшыру башлау вакыты	2022
Сайт	saf-radio.ru
Онлайн-тапшыру

Оештыручылар

Проектның җитәкчесе ― Марат Галимов.
Баш мөхәррир ― филология фәннәре кандидаты Алсу Галимова^[1].
Радионың әдәби мөхәррире ― Гөлназ Дениз-Гарипова.
Радионың музыкаль мөхәррире ― Чулпан Яркәева.
Телеграм-каналны алып баручы ― Айгөл Хамматова, Рамилә Гайнетдин, Энже Ногманова.
Радионың логотибы авторы ― Назыйм Исмәгыйлев^[2].

Тарих

2022 елның 1 июненнән сынау режимында старт алган радио, тәүлек буе эшли.

Максаты

Ана теле татар теле булган, татарча өйрәнергә теләгән балаларга сыйфатлы контент булдыру. Балаларга, яшүсмерләргә сыйфатлы әдәби-музыкаль-тәрбияви мәгънәле контент тыңлату^[3].

Эчтәлек

Радиода җыр-моң белән әдәби өлеш үрелеп бара.

• Һәр көн «Җырлы иртә» белән башлана. Биредә җырлар әниләр яки балалар укыган уяту шигырьләре һәм «Гаҗәпме? Гаҗәп» сәхифәсе белән чиратлаша.
• «Хикәяле иртә»дә язучыларның балалар өчен язган кыска хикәяләре һәм «Белмәмеш» сәхифәсенең кызыклы табышмаклары яңгырый. Татар халык мәкальләрен дә ишетергә мөмкин.
• «Шигырьле иртә»дә балалар яраткан шагыйрьләренең шигырьләрен укый, «Шигъри әкияткә – кунакка» бүлеге үз эченә кызыклы шигъри әкиятләрне ала.
• «Радиотамаша»да эчтәлекле һәм кызыклы әкият-спектакльләр тәкъдим ителә.
• «Шигырьле кич» сәхифәсендә һәр көнне 17.45 тә «Озын хикәя» сәгатендә танылган татар язучыларының хикәяләрен тыңларга мөмкин.
• «Әкият төенчеге», нәниләрнең йокы сәгате якынлашкач, «Бәлли-бәү» сәхифәсе бара.

Радиода Татарстан китап нәшрияты яздырган әдәби әсәр язмалары кулланыла.