Чарлз Дауэс

Чарлз Гейтс Дауэс (ингл. Charles Gates Dawes; 27 август 1865 ел, Мариетта, Огайо – 23 апрель 1951 ел Эванстон Иллинойс) — АКШ дәүләт эшлеклесе, дипломат, эшкуар һәм хәрби. 1925 елда Джозеф Чемберлен белән бергә Тынычлык өчен Нобель премиясе лауреаты.

Чарлз Дауэс
Туган телдә исем	ингл.  Charles Gates Dawes
Туган	27 август 1865(1865-08-27) Мариетта, Огайо
Үлгән	23 апрель 1951(1951-04-23) (85 яшь) Эванстон, Иллинойс
Үлем сәбәбе	коронар тромбоз[d]
Күмү урыны	Роузһилл зираты[d][1]
Ватандашлыгы	АКШ
Әлма-матер	Мариетта көллияте[d], Цинциннати университетының хокук мәктәбе[d] һәм Цинциннати үнивирситите[d]
Һөнәре	сәясәт эшлеклесе, эшкуар, дипломат
Сәяси фирка	АКШ Республика фиркасе
Җефет	Каро Давес[d]
Балалар	Carolyn Dawes Ericson[d] һәм Dana McCutcheon Dawes[d]
Ата-ана	Руфус Дауэс[d] (әти) Mary Beman Gates[d][2] (әни)
Кардәшләр	Beman Gates Dawes[d], Henry M. Dawes[d] һәм Rufus C. Dawes[d]
Катнашкан сугышлар/алышлар	Беренче бөтендөнья сугышы
Бүләк һәм премияләре	Тынычлык өчен Нобель премиясе
Хәрби дәрәҗә	беригада янаралы[d]
Чарлз Дауэс Викиҗыентыкта

Биография һәм сәяси эшчәнлек

Чарлз Дауэс сәясәтчеләр һәм эшкуарларның борынгы нәселеннән, аның бер бабасы Азатлык өчен сугыш батыры була. АКШ гаскәрләрендә хезмәт иткәндә, Дауэс генерал Джон Першинг белән дуслаша. 1894 елдан кайбер нефть компанияләре белән уртак җитәкчелек итә. Уильям Маккинли администрациясендә валюта системасы белән идарә итә (1898-1901). Соңрак, Сенатка сайлауларда җиңелеп, яңадан бизнеска кайта һәм Иллинойс трест компаниясен 1914 елга кадәр җитәкли. Беренче бөтендөнья сугышында катнашып, бригада генералы була. 1923-1924 елларда Алмания өчен репарацион план төзегән халыкара белгечләр комитетының рәисе була. Бу эше һәм аның исемен йөртүче планны төзегән өчен, ул 1925 елда Тынычлык өчен Нобель премиясе белән бүләкләнә.

1925-1929 елларда Дауэс президент Калвин Кулидж идарәсендә Җөмһүрияти фиркадан вице-президент була. Иң кызыгы шунда ки, Кулидж белән Дауэс (президент һәм вице-президент) арасындагы мөнәсәбәт АКШ тарихында иң начар булып санала: сайлаулардан соң ук Дауэс Кулиджка аны мыскыллап, хат җибәрә, хөкүмәт утырышларында катнашмаячагын белдерә, ә аннары сенаторлар белән талаша (вице-президент буларак, ул сенат рәисе дә була). Моннан ары дәүләтнең «беренче» кешеләре беркайчан да татулашмыйлар.

1929-1932 елларда Чарлз Дауэс Бөекбританияда илче вазифасын башкара.

Ул Иллинойс штатында, Эванстон җирлегендә 1951 елның 23 апрелендә вафат була.

Шулай ук карагыз

• Дауэс планы
• Яльмар Шахт