Ломоносов, Михаил Васильевич
From Wikipedia, the free encyclopedia
Михаил Васильевич Ломоносов (ноябрь 8 (19), 1711 чыл – апрель 4 (15), 1765 чыл) — бүгү делегейде билдингир баштайгы орус бойдус шинчилелиниң эртемдени, энциклопедия бижикчизи, химия болгаш физиканың эртем ажылдакчызы; эртем ажылынче ол физиктиг химияның тодарадылгазын берген баштайгы химик кылдыр кирген, оон аңгыда, физика биле химияның шинчилелиниң делгереңгей программазын айыткан[3][4]; чылыгның молекуляр-кинетиктиг теориязын бижээн. Астрономия, география, металлургия, геология, дыл шинчилелиниң болгаш төөгү эртемнериниң шылгараңгайы, херекселдер кылыкчызы, шүлүкчү, чурукчу, Ада-чурттуң экономиказының, эртеминиң болгаш чырыдыышкынның сайзыралынга улуг үлүг-хуузун киирген кижи. Амгы орус литературлуг дылдың үндезинин бадылап айыткан. Чоорту ооң ады-биле адап каан, Москва университетидиниң дөзевилекчизи болгаш үндезилекчизи. Химия эртеминиң профессору, Статтың чөвүлекчизи (Статский советник), Петербургтуң эртемнер академиязының ёзулуг кежигүнү, Хаанныг Щвецияның эртемнер академиязының хүндүлүг кежигүнү.