From Wikipedia, the free encyclopedia
Карелия Республикалэн кун гимнэз — Карелия Республикалэн кун символэз. Юнматэмын Карелия Республикаысь Вылӥ Кенешен 6-тӥ оштолэзе 1993-тӥ арын. Текстлэн авторъёсыз — Армас Мишин но Иван Костин, крезьгурлэнэз — Александр Белобородов.
Гудырикошконэ 1990-тӥ арын Карел АССР-ысь Вылӥ Кенеш кутӥз Карел АССР-лэн кун суверенитетэз сярысь декларациез. КАССР выль нимзэ басьтӥз — Карелия Республика. Таин ӵош Карелиысь Вылӥ Кенешлэн Президиумез кутӥз кун символикаез воштон сярысь пуктэмез. Выль герб, флаг но гимн понна конкурс ялэмын вал.
Крезьгурез гожтӥз Александр Белобородов — композитор, Карелия Республикаысь композиторъёслэн союззылэн тӧроез. Ӟуч кылын текстлэн авторъёсыз — Иван Костин но Армас Мишин кылбурчиос[1]. Гимнлэн текстэз финн кылэ А. Мишинэн берыктэмын вал.
6-тӥ оштолэзе 1993-тӥ арын Вылӥ Кенеш Карелия Республикалэн кун гимнэзлэсь текстсэ умоен лыдъяны пусйиз но кутӥз Карелия Республикалэсь катсэ «Карелия Республикалэн кун гимнэзлэн текстэз сярысь»[2]. Гимн юнматэмын вал Карелилэн Конституциеныз (101 номеро статьяезъя). Гимнлэн кык текстэз вал (ӟуч но финн кылъёсын). Гимнлэсь текстсэ юнматыса, калык депутатъёс сылыса кылзӥзы кызьы хор кык кылэн гимнэз кырӟаз.
Карелия Республикаысь Йӧскалык политикая комитетлэн куронэзъя гимнлэн текстэз берыктэмын карел кылэ А. Л. Волков кылбурчиен[3]. Берыктэм текст кылчиосын умоен лыдъямын вал но 1998-тӥ арын Карелилэн правительствояз но парламентаз сётэмын.
Толсуре 2001-тӥ арын карел парламентысь депутатъёс финн сямен гимн кырӟанэз дугдытӥзы.
Ӟуч сямен |
Финн сямен |
Удмурт берыктон |
Край родной — Карелия! |
Kotimaamme Karjala! |
Э, музъеме йӧтыса! |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.