Город-герой

Го́род-Геро́й — вылӥ дунъет, кудӥныз пусъемын Совето Союзысь 12 каръёс. Со городъёс Быдӟым Атыкай ож дыръя тужгес юн ожмаськизы, данзэс утизы. Нош Брест крепость пусъемын Крепость-Герой званиен.

Смоленскысь Город-Геройёслэн аллеязы

Город-герой нимын нырысетӥосыз пӧлын 1945-тӥ арын 1-тӥ мае пусъемын вал Ленинград, Сталинград, Севастополь но Одесса. Бӧрысь, 1961-тӥ арын 21-тӥ июне, отчы йылтӥзы Киевез.

«Город-Герой» звание сярысь положение бергес юнматэмын вал, 1965-тӥ арын 8-тӥ мае. Со нуналэ ик потӥз 7 Указ, кудъёсызъя Ленинградлы но Киевлы «Зарни Кизили» медаль сётӥськиз, Волгоградлы (азьвыл - Сталинград), Севастопольлы но Одессалы — «Зарни Кизили» медаль но Ленинлэн орденэз, нош Москвалы но Брест крепостьлы нырысетӥзэ сётӥзы «Город-Герой» но «Крепость-Герой» званиосыз «Зарни Кизили» медален но Ленинлэн орденэныз валче.

1980-тӥ арын 18-тӥ июле Положениысь формулировка воштэмын вал: отын, дано ним интые, «Город-Герой» вылӥ ним гожтэмын вал.

№	Город-Герой	Пусъён дыр
1	Ленинград (али Санкт-Петербург)	1965-тӥ арын 8-тӥ мае
2	Одесса	1965-тӥ арын 8-тӥ мае
3	Севастополь	1965-тӥ арын 8-тӥ мае
4	Волгоград (азьвыл Сталинград)	1965-тӥ арын 8-тӥ мае
5	Киев	1965-тӥ арын 8-тӥ мае
6	Брест крепость (Крепость-Герой)	1965-тӥ арын 8-тӥ мае
7	Москва	1965-тӥ арын 8-тӥ мае
8	Керчь	1973-тӥ арын 14-тӥ сентябре
9	Новороссийск	1973-тӥ арын 14-тӥ сентябре
10	Минск	1974-тӥ арын 26-тӥ июне
11	Тула	1976-тӥ арын 7-тӥ декабре
12	Мурманск	1985-тӥ арын 6-тӥ мае
13	Смоленск	1985-тӥ арын 6-тӥ мае