Екатеринбург

Катьырнакар (1924-тӥ арысен 1991-тӥ арозь – Свердловск) – Свердлов улослэн шоркарез. Улӥсь калыклэн лыдызъя Россиысь ньылетӥ кар луэ (Муско, Санкт-Петербург но Новосибирск бере). Транссибирской магистральлэн транспортно-логистической ёзэз луэ.

Катьырнакар
Катьырнакар куншетэз Катьырнакар кунпусэз
Шаер	Россия
Улос	Свердлов
Йымурт	Евгений Порунов
Кылдытон	1723
Территория  – ваньмыз	1151 км²
Улӥсьёс (2001)  – ваньмыз  – плотность	1 343 839 1167,5 адями/км²

Катьырнакар – Урал улослэн кивалтон, лулчеберет, дышетонъя центрез, Урал федерал округлэн шоркарез.

Катьырнакарлэн историез

Карлэн азинскон сюресэз заводъёслэн ужаменыз герӟаськемын.

Интыяськемез

Катьырнакар Евразиялэн шораз интыськемын, люке Европаез но Азиез, Мусколэсь 1667 искемлы палэнын сылэ.

Кар интыяськемын Урал гурезьёс дорын, Исеть шурлэн ярдураз. Городлэн музъем вылаз 4 тымет лэсьтэмын – Верх-Исетской, Городской, Парковой и Нижне-Исетской. Озьы ик кык тыез вань – Шарташ но Шувакиш.

Город люкемын сизьым административной ёрослы: Верх-Исетской, Железнодорожной, Орджоникидзевской, Кировской, Чкаловской, Ленинской. Катьырнакарлэн исторической люкетэз люкемын вань ёросъёс куспын – соин со мукет городъёслэсь висъяське.

Кивалтэт

Катьырнакарлэн Администрациез интыяськемын 1905-ти арлэн карлудын.

Карен кивалтэ мэр но Кар дума.

Свердлов улослэн кивалтэт органъёсыз луо – губернатор, Правительство но Законодательной Собрание.

Катьырнакарын Урал федерал округлэн кивалтэтэз но Приволжско-Уральской военной округлэн штабез интыяськемын.

Экономика

2008-тӥ арын 120 000 предприятиос но организациос лыдъясько вал, тужгес бадӟым корпорациос пӧлысь луо – «Уралсвязьинформ», «МРСК Урала», «Энел ОГК-5», «Сталепромышленная компания», «Русская медна компания», «Свердловскэнергосбыт», «Калина» концерн.

Транспорт

Катьырнакар пыр 6 федерал машина сюресъёс, 7 магистральной чугун сюресъёс ортчо. Калыккуспо аэропортэз вань.

Катьырнакар метрополитен

Вылӥ дышетсконниос

• Б.Н. Елицин нимо Уральской федеральной университет (азьвыл УГТУ-али УПИ)
• А.М. Горький нимо Уральской государственной университет (УрГУ)
• Уральской государственной горной университет (УГГУ)
• Уральской государственной экономической университет (УрГЭУ-СИНХ)
• Российской государственной профессионально-педагогической университет (РГППУ)
• Уральской государственной педагогической университет (УрГПУ)
• Уральской государственной лесотехнической университет (УГЛТУ)
• Уральской государственной чугун сюресъёсъя университет (УрГУПС)
• Уральской государственной медицинской академия (УГМА)
• Уральской государственной юридической академия (УрГЮА)
• Уральской государственной сельскохозяйственной академия (УрГСХА)
• Уральской государственной архитектурно-художественной академия (УралГАХА)
• Екатеринбургской государственной театральной институт (ЕГТИ)
• Уральский юридической институт (УрЮИ)
• Катьырнакар военной институт (ЕВАКУ)
• М. П. Мусоргский нимо Уральскоя государственноя консерватория (УГК)

Катьырнакарын Россиысь наукаосъя академилэн Урал ёзэз интыськемын.

Лулчеберет

Карын ог сю пала библиотекаос но ог витьтон музейёс, музыкальной комедилэн, драмая, егит учкисьлэн, мунё театръёс ужало.

Куать сю пала исторической синпелетъёс лыдъясько: 1905-тӥ арлэн карлудэз, Исторической сквер, Вир-вылын-Храм, Урал консерватория, Росторгуев-Харитоновёслэн, Малаховёслэн, Зотовёслэн улон коркаоссы, Вознесенской черк но мукет юртъёс.