Смоленск улос
From Wikipedia, the free encyclopedia
Remove ads
Смоле́нск улос (ӟуч кылын сое Смоленщина шуо на) — Россия Федерациысь улос, Центральной федерал округе пыре.
Бускельёсыз: Россиысь Москва, Калуга, Брянск, Псков но Тверь улосъёс, озьы ик Белоруссиысь Могилёв но Витебск улосъёсын.
Быдӟалаез — 49 779 км².
Улӥсьёсызлэн лыдзы — 964 791 мурт (2015).
Улослэн центрез — Смоленск кар, со дорысен Муско карозь 365 иськем.
Кылдытэмын 1937-тӥ арын 27-тӥ сентябре. 1958-тӥ арын Ленинлэн орденэныз пусъемын.
Remove ads
Историез
Смоленск кылдӥз кривичъёслэн музъемъёсазы, со сярысь нырысетӥосыз гожтэмъёс кылемын 863-тӥ арысь, куке Аскольд но Дир, Новгородысь Царьградэ мыныкузы, Смоленсклэн палэнтӥз ортчизы, малы ке шуоно со юн утиськиз но отын трос калыкез вал. 882-тӥ арын Олег князь Смоленскез киултӥз но Киев Русен огазеяз.
XII даурын Смоленск быдӟым княжество сяськаяськиз, соку со интыяськиз туала Смоленск улослэн бадӟым люкетаз.
XIII даурлэн шораз княжество ас музъемъёссэ ыштылыны ӧдъяз. 1404-тӥ арысен, смоленск князьлэн мылкыдызъя, Литвалэн Быдӟым княжествояз пыриз. 1514-тӥ арын Смоленск кар, нош бергес мукет смоленск музъемъёс но, Москва княжествоен киултэмын вал. 1618-тӥ арын, Деулин тупанкылъя, смоленск музъем Речь Посполитаялы берыктэмын вал.
Россие Смоленск улос пыриз 1654-тӥ арын Ӟуч-поляк ож бере.
1708-тӥ арын Смоленск губерния кылдытэмын вал.
Remove ads
Данъянъёсыз
Wikiwand - on
Seamless Wikipedia browsing. On steroids.
Remove ads