Удмурт автономной область

Удмурт автономной область — РСФСР-лэн составаз 1920-тӥ арысен 1934-тӥ арозь пырись автономи улос, удмурт калыклэн историысьтыз нырысетӥез кун кылдытэтэз.

Удмурт автономной область

Шаер	СССР
Статусэз	Автономной область
Кытчы пыре вал	1929 арозь — РСФСР, 1929 арын — Нижний Новгород улос, 1929 арысен — Нижний Новгород шаер
Административной центрез	Глаз / Иж
Кылдытон дыр	1920 ар
Быдтон дыр	1934 ар
Официальной кылъёс	удмурт но ӟуч
Улӥсьёс (1931)	880 700
Плотность	27,4 адями/км²
Улӥсь калыкъёс	удмуртъёс — 51,7%, ӟучъёс — 44,0%, бигеръёс — 2,2%
Быдӟалаез	32 135 км²

Шоркаръёсыз — Глазкар (1921) но Ижкар (1921—1934).

Историез

Революцилэсь азьло удмурт калыклэн ас кунлыкез ӧй вал. Удмурт музъемъёс кыӵе ке нимаз статустэк Ватка губерние пыро вал. Быдӟым Октябрьлэн вормонэз гинэ лэзиз удмуртъёсыз асьсэлэсь кунзэс лэсьтыны ӧдъяны.

Удмурт калыклы автономной область кылдытэмын 4-тӥ шуркынмонэ 1920-тӥ арын^[1]. 1920-1931 аръёсы улосмылэн ӟуч кылын официальной нимыз вал Вотская автономная область.

5-тӥ толшоре 1921-тӥ арын ВЦИК-лэн декретэзъя^[2] Удмурт калыклэн автономной областяз Глаз кар (административной центрез) но Глаз, Сарапул, Алабго, Малмыж утемъёсысь волостьёс пыртэмын вал.

1929-тӥ арын Удмурт АО Нижний Новгород улослэн составаз пыриз (бергес — Нижний Новгород шаере).

1-тӥ толшорысен 1932-тӥ арысен улосмы ӟуч сямен Удмуртская автономная область шуыса нимаське вал.

28-тӥ толсуре 1934-тӥ арын ВЦИК-лэн пуктэмезъя Удмурт автономной область Удмурт Автономной Советской Социалистической Республикалы пӧрмытэмын.

Территориослы люкиськемез

8-тӥ толсуре 1921-тӥ арын ВЦИК Удмурт автономиез 5 утемлы люкиз: Дэбес, Глаз, Можга, Иж но Сьӧлта. Та люкон куинь ар возиськиз. 1924-тӥ арын Дэбес но Сьӧлта утемъёс быдтэмын вал, областьлэн составаз куинь утем гинэ кылиз. 1929-тӥ арын утемъёс интые ёросъёслы люкон тупатэмын: вань волостьёс но утемъёс быдтэмын, Удмурт автономиын 21 ёрос кылдытэмын вал.

Областьысь ёросъёс 1929 арын	Областьысь ёросъёс 1934 арын
Алнаш ёрос Балезино ёрос Вавож ёрос Глаз ёрос Грах ёрос Дэбес ёрос Зури ёрос Иж ёрос Карсовай ёрос Кез ёрос Пичи Пурга ёрос Можга ёрос Выль Мултан ёрос Нылга ёрос Святогорск ёрос Сюмси ёрос Шаркан ёрос Юкаменск ёрос Якшур-Бӧдья ёрос Яр ёрос	Алнаш ёрос, Балезино ёрос, Вавож ёрос, Глаз ёрос, Грах ёрос, Дэбес ёрос, Зури ёрос, Иж ёрос, Карсовай ёрос, Кез ёрос, Пичи Пурга ёрос, Можга ёрос, Сьӧлта ёрос, Сюмси ёрос, Шаркан ёрос, Юкаменск ёрос, Якшур-Бӧдья ёрос, Яр ёрос.