Франц-Иосифлэн Музъемез

Франц-Иосифлэн Музъемез — Уйпал Йӧ океанысь архипелаг. Европалэн уйшор палаз интыяськемын. Пыре Россие Архангельск улосэ, кытын Приморской муниципал ёрослэн люкетэз луэ. Архипелаглэн составаз 191 шормуӵ пыре, Музъемлэн огъя площадез 16 134 км².

Архипелаглэн шор люкетэз

Люкиське куинь люкетлы:

• Шунды ӝужан пал люкет — мукетъёсызлэсь Австрийской проливен висъямын, бадӟымесь шормуӵъёс — Вильчеклэн Музъемез (2 сюрс км²), Греэм-Белл (1700 км²);
• Шор люкет — Австрийской пролив но Британ канал куспын;
• Шунды пуксён пал люкет — Британ каналлэсь шунды пуксён палан, татын кылле Георглэн Музъемез, быдэс архипелагысь тужгес но бадӟымез шормуӵ.