Чус океан

Чус океан — дуннеысь тужгес бадӟымез но тужгес мурез океан. Интыяськемын Евразия, Австралия, Антарктида, Уйпал но Лымшор Америка материкъёс куспын.

Солэн площадез (зарезьёсты пыртыса) — 179,7 млн км², шор мурдалаез — 3984 метр, ву быдӟалаез — 723,7 млн км³ (зарезьёстэк — 165,2 млн км², 4282 метр но 707,6 млн км³). Чус океанлэн тужгес но мур интыез — 10 994 метр, интыяське Мариана дырдыын. Чус океан пыр 180-тӥ меридианэтӥ датаез воштон гож ортчэ.