Чехов, Антон Павлович
From Wikipedia, the free encyclopedia
Remove ads
Анто́н Па́влович Че́хов (17 (29) толшор 1860, Таганрог, Екатеринослав губерния (туэ Ростов улос), Россия империя — 2 (15) пӧсьтолэзь 1904, Баденвайлер, Герман империя[3]) — ӟуч писатель, прозаик, драматург, публицист[4], эмчи, ӟечлэсьтон удысысь мер ужчи[5][6][7].
Дунневыл литератураысь классик. Императорской академиысь чеберлыко кылосбуръя Дано академик (1900—1902). Дуннеысь огез тужгес тодмоез драматург. Солэн ужъёсыз сюлэсь трос кылъёсы берыктэмын. Пьесаосыз пӧлысь тужгес но «Чайка», «Три сестры» но «Вишнёвый сад» сю ар ӵоже быдэс дуннеысь тросаз театръёсын мыно ини.
1879 арын гимназиез йылпумъямез дырысен но кулытозяз, 25 ар ӵоже, Антон Павлович вить сю пала пӧртэм произведениос кылдытӥз (вакчи серемес веросъёс, рос-прос повестьёс, пьесаос). Тросэз соос пӧлысь дунневыл литератураысь классикалы пӧрмизы. Уката ик йӧспӧртэм ӟечлыкен висъясько «Степь», «Скучная история», «Дуэль», «6-тӥ номеро палата», «Дом с мезонином», «Душечка», «Попрыгунья», «Рассказ неизвестного человека», «Мужикъёс», «Футлярын адями», «Нюкын», «Детвора», «Драма на охоте»; пьесаос пӧлысь: «Иванов», «Чайка», «Дядя Ваня», «Три сестры», «Вишнёвый сад».
Гожъяськон но эмъян удысъёс сяна, Чехов трос дыр висъялляз ӟечлэсьтон ужлы, уката ӵем юрттылӥз сютэм улӥсьёслы[8], нылпиослы[5], куанер крестьян калыклы[9], туберкулёзэн висисьёслы[6]. Антон Павлович Ялтаысь ӟечлэсьтонъя Кивалтэтэзлэн уполноммоченноез вал[7], ӵемысь кулэяськисьёслы коньдон октонъёс радъялляз но Россиын кылдэм югдур сярысь газетъёсы ялан гожъялляз[4].
Remove ads
Валэктонъёс
Wikiwand - on
Seamless Wikipedia browsing. On steroids.
Remove ads