آئس کریم کیک
From Wikipedia, the free encyclopedia
From Wikipedia, the free encyclopedia
آئس کریم کیک آئس کریم سے بنا ایک ایسا کیک ہوتا ہے جس میں سوئس رول یا پرت کیک کو بھرا جاتا ہے۔ ایک برتن میں آئس کریم کے مختلف ذائقوں کی تہ لگا کر ذائقے دار کیک بنایا جا تا ہے۔ [1]
آئس کریم کیک ایک مقبول دعوتی میٹھا ہے جو اکثر سالگرہ اور شادیوں میں کھایا جاتا ہے، خاص طور پر شمالی امریکا اور آسٹریلیا میں بہت مشہور ہے۔ یہ یورپ میں اتنا پسند نہیں کیا جاتا ہے اور ایشیا، افریقہ میں بھی اس کی مقبولیت کم ہے البتہ امریکا میں یہ کافی مقبول ہے۔ برطانیہ میں آئس کریم سوئس رول کیک کو آرکٹک رولز کے نام سے جانا جاتا ہے۔
آئس کریم کیک اصل میں بسکٹ اور کریم سے بنایا جاتا تھا۔ وکٹورین دور میں اس میٹھے کو بومبے گلیسی( Bombe glacée) کہا جاتا ہے، آرائشی سانچوں میں آئس کریم اور پھلوں کو سجایا جاتا ہے۔ کبھی کبھی ان میٹھوں پر کیک یا بسکٹ بھی ہوتے تھے۔ تاریخی طور پر 1870 کی دہائی میں آئس کریم کیک کی ترکیبیں ملی ہیں جس سے اس میٹھے کا سترہویں صدی میں استعمال کا پتہ چلتا ہے۔
سادہ آئس کریم کیک میں کیک کے اجزاء کو عام طریقے سے پکایا جاتا ہے، اگر ضروری ہو تو مخصوص شکل میں کاٹ لیا جاتا ہے اور پھر اسے منجمد کر لیا جاتا ہے۔ آئس کریم کو مناسب طور پر ایک مائع سانچے میں ڈھال دیا جاتا ہے اور پھر دیگر اجزاء کو منجمد کرتے وقت جمع کیا جاتا ہے۔ چھانٹی ہوئی کریم کو بناوٹوں کی تکمیل کے طور پر اکثر منجمد کرتے وقت استعمال کیا جاتا ہے کیونکہ بہت سی فروسٹنگ منجمد کیک پر کامیابی کے ساتھ نہیں ٹھہر پاتیں۔ اس عمل کے بعد پورے کیک کو پیش کرنے تک منجمد رکھا جاتا ہے۔ آئس کریم کیک کو اسی وقت پگھلنے کی اجازت دی جاتی ہے جب اسے آسانی سے کاٹنے کا ارادہ ہو لیکن اتنا نہیں کہ آئس کریم پگھل جائے۔
آئس کریم کیک امریکا میں کافی مشہور اور مقبول ہیں۔ ٹیلی ویژن پر کیک اشتہاروں کی ایک تاریخ ہے جس میں فجی دا وہیل اور کوکی پس شامل ہیں[2]۔بیسکن رابنز، ڈیئری کوئین، فرینڈلیز، کولڈ اسٹون کریمری اور دیگر خوردہ فروش آئس کریم کیک فروخت کرتے ہیں۔ یہ چار جولائی کی آزادی کی تقریبات کے لیے ایک مقبول میٹھا بھی ہے۔ آزادی کی تقریبات کے دن کے لیے تیار کیے گئے کیک کو اکثر حب الوطنی کے نقشوں سے سجانے کے ساتھ ساتھ چھانٹی کریم، سرخ بیری اور نیلی بیریوں سے سجایا جاتا ہے[3]۔ دیگر اقسام میں آئس کریم اور شربت کی متبادل تہوں کے ساتھ بنائے گئے پرچم کیک ہیں[4]۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
